Директорот на земјоделската платежна агенција Стоилев изведен пред судија,му биле ветени 50.000 евра мито

Добивај вести на Viber

Актуелниот директор на Агенцијата за финансиска поддршка во земјоделството, Илија Стоилев, кој вчера беше уапсен, денес од полициска станица е изведен пред судија на претходна постапка во кривичниот суд, каде што ќе треба да му се одреди дали ќе добие притвор.

Според првичните инфомрации од МВР и Обвинителството за гонење на организиран криминал и корупција, Стоилев е осомничен за земање мито од пет илјади евра за тој да го забрза процесот на исплата на европски пари кои ги распределува Агенцијата. Во акцијата биле извршени претреси на повеќе локации низ државата, а приведени се уште неколку лица.

Соопштено е дека се уапсени пет лица, од кои еден сопственик на фирма давал мито, еден го примил, а тројца посредувале. Сите петмина се осомничени, ана Стоилев му биле ветени 50.000 евра.

„Првоосомничениот – управител на правно лице, од крајот на февруари годинава до вчера, искористувајќи ист траен однос и исти прилики, во повеќе наврати, директно и преку посредници му ветил подарок – парични средства од значителна вредност на директорот на Агенција за финансиска поддршка во земјоделството и рурален развој на РСМ. Останатите тројца осомничени од кои еден даночен референт во УЈП РД Скопје и еден државен службеник вработен во Министерство за земјоделство шумарство и водостопанство, искористувајки го своето реално влијание и службената положба побарале и го потикнаале директорот на агенцијата да изврши службено дејствие што не смеел да го изврши. Имено, иако правното лице на првоосомничениот не ги исполнувало условите предвидени во Јавниот повик бр.01/24 за доставување на барања за користење на средства од ИПАРД Програмата за мерка 3, директорот по применото ветување за подарок од значителна вредност во износ од 50 000 евра, во текот на вчерашниот ден потпишал договор за користење на финансиски средства со правното лице и притоа примил дел од паричните средства во износ од 400 евра кои при претрес се пронајдени и одземени“, соопшти ОЈО ГОКК.

Ценејќи дека се исполнети условите за определување на мерка притвор, јавниот обвинител му предложи на судијата на претходна постапка при Основниот кривичен суд Скопје истата со Решение да ја определи за сите осомничени.

Земјоделската платежна агенција е една од државните институции кои располагаат со најмногу пари. Дели субвенции за земјоделците од државниот буџет и доделува проекти со пари од ИПАРД-програмата на ЕУ.

За случајот реагираше опозициската СДСМ. Според партијата, апсењето било показател за корупција во земјоделието. Од таму сметаат дека станува збор за систем на рекетирање во институција што треба да биде мотор на развојот.

„Фокус“ вчера објави дека поранешниот министер за локална самоуправа од ВМРО-ДПМНЕ во владата на Љубчо Георгиевски, Џевдет Насуфи од Струга, е тој што го пријавил директорот на Агенцијата за финансиска поддршка во земјоделството и руралниот развој за земање мито,