До кога ќе им ги чистиме лозјата на Италијанците и Швајцарците?
Објавено во: Економија 03 Мај, 2022
Голем дел од граѓаните од Источна Македонија одат на сезонска работа во Италија и Швајцарија, каде прво ги чистат лозјата, а потоа наесен и го берат грозјето.
Делчевци велат дека така ќе биде сѐ додека во земјава немаме доволно високи плати за пристоен живот. Според нивните кажувања, половина од жителите на градот одат на сезонска работа или пак ако не одат сега, тоа го правеле во минатото. Објаснуваат дека за неколку месеци, заработуваат по 3.000-4.000 евра, со што егзистенцијата им е олеснета откако ќе се вратат во родниот град. На сезонска работа заминуваат невработени, вработени во приватен сектор, но се случува и луѓе кои имаат државна работа, да земат одмор и да одат на берба на грозје.
„Тоа не е од сега, туку така е веќе 30 години, и не само од Делчево, на сезонска работа одат луѓето и од соседните градови. Денес секој сака да оди на одмор, да вози убав автомобил, да си ја среди куќата, а со овие плати тоа е тешко“, вели жителка на Делчево.
Мустафа Шатков, жител на Делчево објаснува дека во градот освен неколку конфекции, нема голем избор за работа и луѓето бараат начин да заработат надвор од државата.
„Најмногу заминуваат во Алба во Италија. Сега во мај и јуни се чистат лозјата, а потоа луѓето се враќаат два месеци овде, и наесен одат пак на берба. Се работи по 10 часа на ден во лозјата“, додава Шатков.
Два пати неделно од Виница имаат автобуски превоз со кој патуваат до Италија. Освен сезонци од Делчево, нивни сопатници се и граѓани од Македонска Каменица, Кочани, Виница. Заминуваат и дел од жителите на Струмица.
Италијанците велат дека на нивните лозја работат сезонци кои доаѓаат од посиромашните земји.
„Има Македонци, но и многу Романци кои доаѓаат да работат во лозјата. Зависи од областите, но дневно можат да заработат од 60 до 80 евра. За еден час цената се движи од минимум 7 евра па до 12 евра. Секако, оние кои ги носат работниците земаат процент, а доколку директно сами си најдат работа, можат да добијат и 13 евра по час“, раскажува Дамиано Гало, кој потекнува од Алба.
Тој објаснува дека ова е тешка работа, без разлика дали се работи за кроење или берба, и не секој може да издржи со часови да биде на нозе. За многу Македонци и Балканци воопшто, сезонската работа е шанса за да си обезбедат егзистенција.
Сања Атанасовскаfoto freepik.com
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Катар ервејс размислува да ги преземе поранешните А330 на Американ ерлајнс
UNIQA Insurance Group AG го продава осигурителниот бизнис во Македонија, Косово и Албанија: Новиот сопственик е Авни Понари сопственик на SIGAL Group Austria
Бизнисот за финансирање има уште само 15 милиони евра пари од странство додека се чека унгарскиот кредит
СТОКАТА СЕ ПОВЕЌЕ СЕ ПРЕНЕСУВА СО КАМИОНИ МЕСТО СО ВАГОНИ – тројно намален превозот по пругите
ДАЛИ ЕТИАС ГАРАНТИРА ВЛЕЗ ВО ЕВРОПА? Ќе се „чешлаат“ апликантите, еве дали ќе добијат дозвола да влезат
„БАЛОНОТ ЌЕ ПУКНЕ“: Познат инвеститор предупредува дека претстои голем колапс на берзата
ОВОЈ ЈУГОСЛОВЕНСКИ МОДЕН ГИГАНТ СЕ СРАМНУВА СО ЗЕМЈА: И Јованка Броз им ги носеше чантите, а имаа 1.300 вработени
БОЖИНОВСКА ГО НАЧЕКАЛА ЕСМ СО МИНУС ОД 80 МИЛИОНИ ЕВРА: Вели дека во МЕПСО бил вработен несоодветен кадар
ДЕКАТЛОН ВО ОФАНЗИВА - ИНВЕСТИРА 100 МИЛИОНИ ЕВРА ЗА ПРОШИРУВАЊЕ ВО ГЕРМАНИЈА: Ќе има над 150 продавници до 2027
