До крајот на месецов имате обврска кон УЈП која мора да ја завршите
Објавено во: Економија 27 Мај, 2023 13:29
Рокот за потврда или корекција на Годишната даночна пријава за 2022 година истекува на крајот на овој месец.
Граѓаните треба да извршат потврда или корекција на Годишната даночна пријава (ГДП) за доходот кој го оствариле во текот на 2022 година.
„Потврдата или корекцијата на ГДП се врши електронски на системот е-Персонален данок, каде сите регистрирани корисници на своите кориснички профили може да го менуваат статусот на пријавата, односно да ја потврдат или да ја коригираат. По истекот на законскиот рок, Годишните даночни пријави ќе добијат статус на конечни даночни пријави, согласно последниот статус на ГДП– потврдена или коригирана“, велат од УЈП.
Оттаму посочуваат дека на 1 јуни година службено ќе бидат потврдени Годишните даночни пријави коишто граѓаните ниту ги потврдиле, ниту ги коригирале.
„Годишната даночна пријава која што граѓаните ја коригирале, а добиле статус на конечна даночна пријава ќе треба да биде одобрена од службено лице на Управата за јавни приходи. Доколку службеното лице не ја одобри коригираната даночна пријава ќе се донесе решение за утврдување на данок на личен доход за 2022 година. Кај граѓаните кај кои се појавува обврска за доплата ќе се генерира налог за доплата, кој се наоѓа во самата даночна пријава (во прозорче печати)“, додаваат од УЈП.
Воедно, од УЈП апелираат до граѓаните кои оствариле приходи, а не се регистрирале на системот е-Персонален данок, истото да го сторат во најкраток можен рок имајќи ги предвид бројните придобивки на користењето на системот.
Можеби ќе ве интересира
СЕ НАВЕДУВААТ ОБЈЕКТИВНИ ПРИЧИНИ КОИ НЕ ЗАВИСАТ ОД АВИОКОМПАНИЈАТА - се одложува стартот на линијата Скопје-Дубаи
СКАНДАЛ ВО „КАУФЛЕНД“: Еве што е откриено во неколку продавници, а се огласија и некои вработени
ЗОШТО ЕКОНОМИСТИТЕ СЕ ЗГРОЗЕНИ ОД МАТЕМАТИКИТЕ НА ТРАМП: „Загрижувачки“
НЕМА ПРОБЛЕМ ЗА МИНИМАЛЕЦ: Во АЕК се потрошиле за 18 отсто повеќе пари за плати
КОНФИСКУВААТ ИМОТ НА ДОЛЖНИЦИ, А САМИТЕ НЕ ГИ УПЛАЌААТ ПАРИТЕ ВО БУЏЕТОТ – еве какви забелешки најдоа ревизорите за Агенцијата за управување со одземен имот
ЕВЕ КОИ БРЕНДОВИ НАЈМНОГУ ЌЕ ПОСКАПАТ: И тоа само заради воведувањето на царините
„ТРАМП ИМ ВОВЕДЕ ЦАРИНИ И НА ПИНГВИНИТЕ“: На списокот се најдоа острови населени само со овие птици
СТРАТЕГ ГИ ОБЈАСНУВА ПРИЧИНИТЕ ЗА ЦАРИНИТЕ НА ТРАМП: „Тоа е игра на неговото его“
ФАКТОР НА ДЕНОТ: Реакции во Европа за царините што ги воведе Трамп, нашата Влада вели дека тие биле очекувани
