Добивката на „Голдман Сакс“ скокна речиси за 80 посто

Добивај вести на Viber

Американската банкарска група „Голдман Сакс“ во изминатото тромесечие забележа остар скок на добивката благодарение на големите приходи од тргување со обврзници и ниски трошкови на работа, известуваат од тој див на инвестиционо банкарство.

Нето добивката на „Голдман Сакс“  која им припаѓа на имателите на акции на „Голдман Сакс“ во вториот квартал на 2016 година скокна 78 проценти во споредба со истиот период претходната година, достигнувајќи 1.63 милијарди долари, или 3,72 долари по акција, според објавениот финансискиот извештај во вторник.

Приходите од тргувањето на хартии од вредност со фиксен приход, стоки и валути се зголемија за 20 проценти до 1,93 милијарди долари. Вкупните приходи од тргувањето се зголемиле за два отсто на 3.68 милијарди долари.

За споредба, приходите од тргувањето со хартиите од вредност со фиксна вредност на доход на ЈП Морган Чејс скокнале 35 отсто, на 14 отсто во Ситигруп и во Банката на Америка за 22 отсто, потсетува Ројтерс.

Вкупните оперативни трошоци во „Голдман Сакс“ во вториот квартал се намалиле сепак од 25,5 проценти на 5,47 милијарди долари.

Таа инвестициска банка, како и другите фирми на Волстрит, се фокусира на намалување на трошоците поради зголемената загриженост за забавување на растот во Кина и на останатите важни пазари, поради што се обесхрабруваат договорите за бизнис и трговија.

„И покрај неизвесноста создадена од страна на Brexit, имаме постигнато солидни бизнис резултати“, вели извршниот директор на „Голдман Сакс“, Лојд Бланкфеин во соопштението.

Приходите на Голдман од инвестициското банкарство, кои ги вклучуваат приходите од консултации кај договорање на  активностите и услугите на посредување меѓу издавачот на акции и обврзници и јавноста, е намален за 11 отсто до 1,79 милијарди долари.

Надоместоците од глобалното инвестициско банкарство во таа индустрија во првата половина на годината се намалиле за речиси една четвртина поради нестабилноста што го погоди пазарот на капитал и склучување на договори, покажуваат податоците на Томсон Ројтерс.