Договорот за Грција предизвика различни реакции во Германија

Добивај вести на Viber

Договорот за Грција предизвика различни реакции меѓу германските пратеници.

Меркел зборувала за изгубената доверба. Никој не ја уништил повеќе довербата од Германија оваа ноќ, напишал на социјалните мрежи парламентарниот спикер на германската Зелена партија Дитер Јнечек.

Во светол коментар шефот на кабинетот на германската канцеларка Петер Алтмаиер го поздрави договорот.

„Европа победи. Импресивно и цврсто. Германија беше дел од решението од самиот почеток до крајот. Добро е за Грција и за еврото“, напиша тој на „Твитер“.

Најпродаваниот весник во Германија „Билд“ излезе со нов наслов и слика на изгледа изморена по 17-часовни преговори Ангела Меркел.

„По сите овие ветувања дека нема да има трета спасувачка програма, тука се други 86 милијарди евра за Грција“, наведува весникот.

Германските економисти сметаат дека Случајот со Грција е далеку од решавањето на кризата, и покрај договорот за нов спасувачки пакет.

Марсел Фратцшер, претседател на Германскиот институт за економски студии, е категоричен дека би било прерано договорот да се смета како успех. Ова е само прв чекор кон запирање на грчката економска спирала надолу, додал тој.

Холгер Шмеидинг, главен економист во „Berenberg Bank“, споделува слично мислење.

Според него сеуште не е надмината опасноста, но ризикот е намален.