Доктор Субрата Рој стигнува, Сахараја Македонија сепак ќе се гради?

Добивај вести на Viber

Со сиот багаж зад себе и обвинувања за финансиски криминал во Индија, милијардерот Субрата Рој доаѓа во Македонија. Не се откажува од идејата за инвестирање на луксузен објект во охридско Љубаништа. Субрата Рој пристигнува во Македонија. Денеска  на пладне на охридскиот аеродром Св. Апостол Павле се очекува да слета индиски бизнисмен Субрата Рој. Тој во земјава ќе остане неколку дена, а се очекува да се сретне со премиерот Никола Груевски, неколку министри од Владата како и со градоначалникот на Охрид, Никола Бакрачевски. Според најавите, во Охрид Субрата Рој ќе организирана свечена вечера за премиерот Никола Груевски и останати високи владини претставници, а поканети ќе биле и повеќе дипломати меѓу кои американскиот и англискиот амбасадор. Субрата Рој доби градежна парцела - ќе градел споменик на Мајка Тереза Неодамна македонските власти на индискиот милјардер му дадоа градежна парцела во централното подрачје на Скопје, каде според најавите се очекува да се изгради споменик на Мајка Тереза висок 32 метри. Според информациите за околу два месеци се очекува парцелата и официјално да стане сопственост на компанијата „Сахара глобал“, а потоа и почеток на градежните активности за изградба на споменикот на Мајка Тереза. Споменикот според планот ќе се гради на пешачкиот дел помеѓу хотелот во изградба „Мериот“ и планираниот хотел што ќе го гради грчкиот бизнисмен Кондоминас. Интернет порталот Либертас веќе објави слики од тоа како ќе изгледа споменикот. Љубаништа луксузен туристички центар на брегот на Охридското езеро Според плановите, индиската компанија на милјардерот Рој во Охрид треба да гради монденски туристички центар со луксузни хотели, казина, спортски терени, пристаниште, објекти за забава и рекреација, одмор, терени за голф, спа центри, марина-хотели и казино на вода на површина од 240 хектари. Инаку, компанијата на индискиот бизнисмен  „Сахара Индија Паривар“, од локалната самоуправа веќе побарала и дополнителни 17 хектари земјиште во Љубаништа, за да има доволно простор за луксузниот туристички комплекс кој сака да го гради. Ова го потврди охридскиот градоначалник Никола Бакрачески според кого новите 17 хектари на индијците  им требале за изградба на сместувачките капацитети за сервисниот персонал што ќе го опслужува комплексот. „Во Охрид ќе престојува и самиот сопственик на групацијата , Субрата Рој, кој очекувам дека ќе ми ги соопшти сите поединости околу текот на подготовките за реализација на проектот, кои верувам ќе течат во најдобар ред и дека до 2020 комплексот ќе биде изграден“, изјави за медиумите охридскиот градоначалник Бакрачески. Субрата Рој - милијардер, милионер или ...? Со какво куферче доаѓа во Македонија Индискиот бизнисмен Субрата Рој, како што пишуваа  тамошните медиуми со одлуката на Врховниот суд на Индија заради измами и даночно затајување од 4,4 милијарди долари му го замрзна целиот имот и сметките на Субрата, а подоцна распиша и потерница за негово апсење. Нешто подоцна во јавноста се појави веста дека индискиот регулатор на пазарот СЕБИ започнал со процесот на враќање на парите што компанијата на индискиот бизнисмен Субрата Рој ги должи на инвеститорите. Субрата Рој, иако беше претставен како милијардер и голем инвеститор, сепак на сослушувањето пред регулаторот на пазарот СЕБИ изјави дека неговиот вкупен имот што го поседува не е поскап од 1 милион долари. Почесен доктор на економски науки Субрата Рој Сахара стана почесен доктор на економски науки на „University of East London“.На специјална церемонија во „Краун плаца“ хотелот присуствуваа членови на семејството, претставници на универзитетот, голем број на истакнати гости од бизнис заедницата, политиката и спортот. „Неговиот успех во Индија покажува дека секој успех може да биде не само локален туку и глобален. Јас сум воодушевен од неговиот начин на бизнис и филозофијата на која се заснова неговата компанија“, изјави Лорд Нун (Lord Noon), ректорот на Универзитетот. Редакција Фактор