ДОЛАРОТ Е НА НАЈНИСКО НИВО ОД СЕПТЕМВРИ: Американската валута послаба и од еврото и од јуанот
Објавено во: Економија 20 Ноември, 2023
На девизните пазари
вредноста на доларот во однос на кошничката валути падна на најниско ниво од
почетокот на септември.
Индексот на доларот, кој ја покажува вредноста на американскиот долар во однос на другите шест најважни светски валути, утрово се движи околу 103,65 поени, додека во петокот навечер изнесуваше 103,80 поени.
Истовремено, курсот на доларот во однос на јапонската валута падна за 0,4 отсто, на 149,10 јени.
Американската валута ослабе и во однос на европската, па цената на еврото порасна за 0,2 отсто, на 1,0925 долари, највисоко ниво за повеќе од два месеци.
Добро расположение на светските берзи
На берзите владее добро расположение бидејќи инвеститорите сметаат дека поради намалувањето на инфлаторните притисоци заврши циклусот на покачување на каматите во западните земји.
Олеснувањето на инфлацијата во САД ја поддржува тезата дека американската централна банка нема да има потреба дополнително да ја заостри монетарната политика, дека циклусот на затегнување на монетарната политика е завршен.
Дополнително, низа неодамнешни податоци покажуваат дека економијата продолжува да расте, односно и покрај наглото зголемување на каматните стапки во последната година и пол, таа избегна рецесија.
Ова е добра вест за азиските компании бидејќи САД се нивниот најголем извозен пазар. Во наредниот период, движењата на пазарот ќе зависат главно од шпекулациите за тоа кога ФЕД би можел да започне со намалување на каматните стапки.
На пазарот на пари, се проценува дека има околу 30 отсто шанси првото намалување на каматните стапки на ФЕД да дојде веќе во март следната година. Проценките покажуваат и дека до крајот на следната година ФЕД би можел да ги намали каматните стапки за цел процентен поен.
ФОТО: Unsplash* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2023 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МНОГУ ЗЕМЈИ СЕ МАЧАТ СО ИНФЛAЦИЈА: Во Кина се случува обратното, цените паѓаат
КОЈ ЌЕ СЕ ИЗРАДУВА СО 17 МИЛИОНИ ЕВРА НЕПОСРЕДНО ПРЕД НОВА ГОДИНА - Мермерен комбинат Прилеп ќе дели дивиденда од акумулирани добивки
ТРУПААТ ЗЛАТО: Две држави ги зголемуваат резервите
НАД 300 НОВИ СТАНОВИ ЌЕ СЕ ГРАДАТ ВО СКОПЈЕ: Намален вкупниот број на издадени одобренија за градба, еве ги деталите
„Њу момент“ 30 години ја поттикнува и унапредува македонската креативност
ОЧЕКУВА НОРМАЛНИ СТАПКИ НА ИНФАЛЦИЈА: Еве што вели вицепремиерот за цените за следната година
ИНТЕРВЈУ БЕСИМИ: Буџетот за идната година не е предизборен, со него ќе ја доведеме економијата во „мирни води“, а потоа и ќе го забрзаме растот
К-15 од 2 милиони евра легна на сметките на полицајците
Недостиг на работна сила: Тренчевска оди во Будимпешта
