Долгот на Хрватска расте, ЕУ размислува за стегнување на ременот

Добивај вести на Viber

Нов финансиски предизвик пред Хрватска. Иако Европската унија дозволува на членките дефицитот да изнесува 3% од БДП, Хрватска наскоро би можела да влезе во процедура на зголемен дефицит кој порасна лани до 5%, покажуваат Евростат и Државниот завод за статистика. Како што објави хрватскиот заводот за статистика, дефицитот на консолидиран буџет во 2012 изнесувал 16,35 милијарди куни или пет отсто од БДП, додека консолидираниот долг на државата изнесувал 183,27 милијарди куни или над 55% отсто од БДП.Според аналитичарите, Хрватска наскоро ќе влезе во процедура на прекумерен дефицит - механизам кој Унијата го донесе за буџетскиот дефицит на членките на ЕУ да се врати под три отсто, а јавниот долг под 60 отсто од БДП. Со овој механизам, земјите членки на ЕУ можат да се следат кога имаат зголемен ризик од влошување на фискалната ситуација, а предвидува и мерки кои мораат да се за излез од финансиските проблеми и за стабилизирање на  јавните финансии. Долгот на Хрватска расте, а земјата се бори со растечката невработеност.