„Др Пановски“ и Градот заедно ќе ја реконструираат зградата „Пелагонија“

Добивај вести на Viber

Во реконструкцијата на фасадата на објектот АДГ “Пелагонија”, со одредена финансиска сума ќе се вклучи и сопственикот на објектот, компанијата  за производство на лекови, медицинска опрема и материјали „Др Пановски“. Проектот за реконструкција ќе претрпи неколку измени, идејното решение останува исто. Според Предлог измените на Одлуката за утврдување на изгледот на фасадите, делод од трошоците за фасадната обнова ќе ги сноси Градот, а дел акционерското друштво. Компанијата „Д-р Пановски“, до Градот доставила нов проект за изведба на градежните работи изработен од  „Градежен институт Македонија“. Проектот му го предале на Градот без надомест бидејќи како што се образложува Одлуката, реконструкцијата на објектот е заедничка определба на градската самоуправа и на сопствениците на објектот. Во проектот измени се направени во количествата на материјалите и цените за истите материјали кои се предвидени да се употребат при градежните зафати, задоволување на стандарди за енергетска ефикасност. -Град Скопје, го прими новиот проект и смета дека истиот одговара на однапред усвоени насоки за реализација на новиот изглед на фасадата на објектот на АДГ Пелагонија.Со оглед дека Град Скопје е инвеститор согласно закон и носител на трошоците, сопствениците наидоа на интерес да учевствуваaт финасиски и со сопствени средства да ја потпомогнат реализацијата на овој проект со оглед дека со оваа реконструкција и доградба им се зголемува вредноста на објектот и истиот добива на ефикасност. Меѓусебните односи за кофинансирање ќе се уредат со договори. Проектот кој се предлага за составен дел од Одлуката е нарачан од страна на АДГ Пелагонија и истиот со Меморандум е предаден на Град Скопје без надомест од причина што реконструкцијата на фасадата на објектот Пелагонија е заедничка определба на Градот Скопје и на сопствениците на објект Пелагонија,  стои во образложението на Предлог одлуката од Градот Скопје. Освен техничките измени во проектот, изгледот на фасадата и архитектонскиот стил остануваат исти како и во претходниот проект. Ј.С