Другата страна на приказната или зошто ГТЦ треба да биде во Барок!

Добивај вести на Viber

Првиот човек на ГТЦ за Фактор Аго Абазовски ја објаснува процедурата за барокното решение на фасадата. Асоцијацијата на архитекти на Македонија го извести раководството на Градскиот трговски центар за планираното сценарио за протестите во петок. Тие вчера имале средба со раководството на ГТЦ. Засега е незивесно дали овие активности од стручната фела, на кои се очекува да се приклучат и голем број граѓани, ќе ја променат одлуката за менување на изгледот на ГТЦ. Директорот на ГТЦ, Аго Абазовски, за Фактор вели дека компанијата нема да се противи на активностиte на ААМ, а објаснува и зошто е одбрано токму тоа решение. Фактор: Како ги коментирате најавените протести на ААМ и потпишувањето на петиција против менувањето на ликот на ГТЦ? Абазовски: Ние имавме средба со претседателката на ААМ, г-ѓата Даница Павловска, на која што таа не информираше за тоа што го планираат во петок. Како компанија нема да реагираме, сепак тоа е нивни став и нивно лично право како асоцијација. Од тие причини сметам дека е непријатно да ги коментирам нивните активности. Сепак јас сум директор на компанија која е во државна сопственост, јас сум извршен орган. Фактор: Досега се поништија неколку конкурси за избор на идејно решение за надградба и фасадно обликување на ГТЦ. Толку ли беа лоши сите досегашни решенија и дали беше нужно да се избере токму фасада со барокни елементи? Абазовски: Јас не сум тој што одлучува кое решение ќе се одбере, иако бев член во комисијата за избор. Точно досега се поништуваа неколку конкурси но основано, бидејќи имаа технички недостатоци. На последниот конкурс имаше две идејни решенија, едното беше со барокни елементи т.е она кое се прифати, а дургото беше класицизам но имаше некои недостатоци. Образложението за изборот  на идејното решение, во голем дел лежи во опкружувањето. Фактор: Изборот за фасадата и надрадбата на ГТЦ предизвика бурни реакции како кај стручната јавност така и кај граѓаните. Дали постои правна рамка, или дали доколку се изнесат доволно силни аргументи зошто не треба да се менува изгледот на овој објект, може да дојде до поништување на конкурсот? Абазовски: Искрено, не знам дали воопшто е возможно тоа.... Фактор: Сега кога се избра решението што е следниот чекор? Абазовски: Следен чекор е изработка на главен проект, за што ќе се распише јавен оглас и ќе се склучи договор со тој што ќе достави најповолна понуда за изработка. Не можам точно да кажам кога ќе биде тоа. Ние како компанија ќе гледаме тоа да биде економичен проект, за што ГТЦ има планирано буџет и ќе се држиме во рамките на тие пари. Фактор: Досега во јавноста кружеа различни инфомрации за тоа како вие го замислувате ГТЦ. Каков изглед претпочитате за овој објект? Абазовски: Мене ми се допаѓа се што се гради, а мојата желба за изгледот на ГТЦ нема јавно да ја кажам...Градбата прави динамика, и тоа се вкусови на тие што градат. Ј.С