ДРЖАВА ВО ЕУ: Има повеќе потстанари од сопственици на имот
Објавено во: Економија 02 Декември, 2023
Единствената држава членка на ЕУ со повеќе потстанари отколку сопственици на имот е Германија.
Лани уделот на Германците кои поседуваат свои домови паднал од 49 на 47 проценти, пренесува германската новинска агенција ДПА. Во Австрија, која е втора по Германија на листата на земји од ЕУ со најмал број станари кои се и сопственици на куќи или станови, бројката се намалила од 54 на 51 отсто, објави статистичката агенција Еуростат. 69 отсто од станарите во ЕУ се сопственици на имот, а 31 отсто се потстанари.
Процентот на сопствениците е особено висок во источните земји-членки како Романија (95 отсто), Словачка (93 отсто), Хрватска (91 отсто) и Унгарија (90 отсто). Уделот на сопственост е најмал во Германија и Австрија, во Данска (60 проценти) и Франција (63 проценти). Швајцарија која не е дел од ЕУ има уште помал удел во сопственост од Германија, 42 отсто. foto freepik.com/ag167833