ДРЖАВНИ ПАТИШТА БЕЗ ОГЛАС КУПУВА СТРУЈА ОД ЕДС: Големи пари за итна постапка
Објавено во: Економија 20 Август, 2021
Јавното претпријатие за државни патишта купува струја од компанијата Енерџи деливери Солушнс (ЕДС) во итна набавка без објавен оглас. Вкупната цена на договорот е 613.515 евра со ДДВ (41,3 милилиони денари), а во договорот нема детали за причините за итноста, па и донесената одлука поради тоа, да не се објавува оглас туку струјата да се купи со преговарање со ЕДС, компанијата чиј поранешен сопственик е екс вицепремиерот Кочо Анѓушев. За оваа набавка, сепак позитивно се изјаснило и Бирото за јавни набавки.
Од Бирото кон Агенцијата за државни патишта пратиле известување дека врз основа на нивното барање и образложенијата па и доказите кои ги доставиле им се одобрува да ја купат струјата итно без да објават оглас.
Инаку овој договор кој е потпишан на 30 јули а беше објавен завчера е за времетраење од пет месеци.
Во јули годинава Државниот завод за ревизија соопшти дека само од 1 март до 1 октомври лани дури 88 проценти од реализираните јавни набавки се спроведени со користење на постапката со преговарање без објавување на оглас.
„Во отсуство на прецизно дефинирање на критериуми за 'итноста' на набавките и видот на стоки, услуги и работи кои можат да се набавуваат во време на вонредна/кризна состојба не може да се потврди во целост оправданоста на итноста на дел од постапките. Воспоставениот начин на спроведување на постапките со преговарање без објавување на оглас не овозможува еднаков третман и конкуренција помеѓу економските оператори. Имено, за дел од постапките за јавни набавки спроведени се преговарања со еден економски оператор, изјавија ревизорите.
Утврдиле дека, дополнително, договорните органи спроведувале јавни набавки од крајна итност и во период кога можело да биде спроведена редовна постапка за јавна набавка. Преку извршената анализа на спроведените постапки за периодот од 01.10.2020 година до 28.02.2021 година е утврдено дека по основ на спроведени јавни набавки поради итност, доделени се договори во износ од 88 милиони денари. Во тој период биле склучени договори за јавни набавка во износ од 416,6 милиони денари. Предмет на ревизија се склучени договори за јавни набавка во износ од 335,4 милиони денари што претставува 80,5 процентиод вкупно доделените договори за јавна набавка во периодот кој е предмет на ревизија.
А.Т.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МЕГАПРОЕКТ КОЈ ЈА МЕНУВА СЛИКАТА НА ЦЕЛИОТ КОНТИНЕНТ: Вреди 3,1 милијарди долари, го изградија Турците
КОЛКУ Е СЕГА БОГАТ МИСТЕРИОЗНИОТ КРЕАТОР НА БИТКОИНОТ, САТОШИ НАКАМОТО? Првиот „рудар“ престанал да копа во 2010 година
ОД САМОУК ИНЖЕНЕР ДО НАЈНОВ МИЛИЈАРДЕР ВО ВСЕЛЕНСКАТА ИНДУСТРИЈА: Станува опасна конкуренција на Илон Маск
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
СЕ ЗГОЛЕМИ ЦЕНАТА НА ЗЛАТОТО: Колку чини унца попладнево?
