Државата ќе има предност при откуп на злато! Се зголемуваат девизните резерви од благородниот метал?

Добивај вести на Viber

Измените на законот за минерални суровини, наговестуваат дека Македонија ќе ги зголемува девизните резерви на злато. Според сознанијата на Фактор, измените на законот за минерални суровини, во делот дека државата ќе има приоритет во откупот на златото од домашните рудници, биле на иницијатива на Народната банка. Но, државата ќе го откупува златото по берзански цени, а не по цени пониски од оние на берзата, појасни министерот за економија Ваљон Срачини.

“Во случај концесионерот да има понуда од друга компанија со цена повисока од берзанската, тогаш може да и го продаде златото на таа компанија Не се бара ништо што е надвор од бизнис логиката. Она што е напишано во законот е дека  во услови кога државата ќе побара да го откупи златото тогаш таа да имапредност но при еднакви цени, изјави министерот за економија Ваљон Срачини.

Објаснувањето на Сарачини стигна откако пред два дена менаџментот на Бучим реагираше дека државата со измените на законот им наложува да и продаваат руда, но по цена која е пониска од онаа на берзите.

Земјава откупувала злато од Бучим и до 2005 година. Но, по оваа година е запрена таа пракса ,а количините на злато во девизните резерви на Народната Банка се 6,8 тони и се непроменети.

Но, освен за освен за цената од Бучим реагираа и дека нејасно е во каква форма ќе го продаваат залтото на државата, бидејќи според менаџмеетото на Бучимдел од измените на законот се спроведливи само на хартија не и на терен. Проблемот е бидејќи се предлага златото да и биде ставено на располагање на НБМ како готов производ, но тоа е тешко изводливо бидејќи ниту еден од преработувачите на руди во земјава нема можност за финална доработка.