ДСЗИ: Спорните вработувања на Токсикологија биле само со потпис на директорката Бесија Иљази

Добивај вести на Viber

Спорните вработувања на Токсикологија биле само со потпис на директорката Бесија Иљази.

Склучените договори за работа на неколку здравствени работници и соработници во Универзитетската клиника за Токсикологија се спротивни на Законот за здравствена заштита и се само со потпис на економската директорка, но без потпис и од медицински директор. Ова го утврди Државниот здравствен инспекторат по третата извршена контрола.

„Што се однесува до потпишување на акти на самата клиника од организацискиот и медицинскиот директор кои имаат заедничка надлежност, во Законот за здравствена заштита децидно стои дека договори за вработување треба да бидат потпишани од двајцата директори, како и за отказни решенија, јавни набавки. Во овој случај станува збор за договори за вработување кои се потпишани само од орагнизацискиот директор“, вели Рената Младеновска, директорката на ДЗСИ.

Но, инспекторат нема надлежности за да постапува и да казнува во овој случај, па договорите ќе ги испрати до правниот сектор на Министерството за здравство, кој понатаму ќе треба да утврдува како се направени овие вработувања.

Организациската директорка на Клиниката за токсикологија, Бесија Иљази во изјава за албански медиуми тврди дека клиниката има потреба од 18-те вработувања што предизвикаа превривања во јавноста.