Две години од смртта на Стив Џобс

Добивај вести на Viber

Денес се навршуваат две години од смртта на Стив Џобс, а извршниот директор на компанијата Apple, Тим Кук им испрати кратка порака на вработените преку мејл. „Се одбележува годишнината од смртта на Стив. Се надевам дека сите ќе се потсетат што тој значеше за нас и за светот. Стив беше неверојатно човечко суштество и зад себе остави подобар свет. Често се присетувам на него и пронаоѓам голема сила во сеќавањата за нашето пријателство, визиите и лидерството. Зад себе остави компанија кој само тој можеше да ја изгради и неговиот дух ќе биде темел на Apple. Ќе продолжиме да му оддаваме почит на споменот на него со тоа што ќе се посветиме на работата која тој толку многу ја сакаше. Не постои подобaр начин од тој да му се оддаде почит. Знам дека би бил горд на сите вас“, стои во обраќањето до вработените. Стив Џобс како бебе бил даден на посвојување, а го одгледале Пол и Клер Џобс. Како средношколец работел во Hewlett Packard каде се запознал со Стив Возниак со кој во 1976 година ја основал Apple. Неколку години подоцна бил исфрлен од сопствената компанија бидејќи професионалните менаџери сметале дека е премлад да ја води компанијата. Не губејќи време на самосожалување, ја основал Pixar, компанија која создава компјутерски анимирани филмови. Дваесет години подоцна, Џобс се враќа во Apple и тоа на местото извршен директор и ја пишува историјата со иновации како iPod и iPhone, уреди кои го одбележаа модерниот начин на живеење. Пред две години, Џобс ја загуби битката со ракот и последните денови од животот ги мина во кома. Зад себе ги остави сопругата Лорен и четирите деца.