ДВОЈНО СЕ ЗГОЛЕМУВА МИНИМАЛЕЦОТ ВО БиХ: Ќе изнесува над 600 евра
Објавено во: Економија 13 Ноември, 2024 15:03
Двојно се зголемува минимална плата во Босна и Херцеговина(БиХ), од 300 на 600 евра.
Федерацијата Босна и Херцеговина воведува фискални реформи кои ќе ја зголемат минималната плата на над 600 евра, скоро двојно повеќе од сегашната.
Работодавачите ќе бидат ослободени од дел од придонесите, со што се очекува позитивно влијание врз економијата и намалување на „црниот“ пазар.
Премиерот Нермин Никшиќ објасни дека реформите ќе го олеснат водењето бизнис и ќе ја зајакнат економската стабилност.
Вицепремиерот на Федерацијата Босна и Херцеговина, Војин Мијатовиќ, изјави дека, покрај законот за минимална плата, Владата ќе донесе и регулатива за приходите на работниците со цел да се обезбеди соодветна заштита на оние со приходи под сегашниот минимум. Минималната плата во Федерацијата БиХ во моментов е 619 марки (околу 310 евра).
Покрај минималната плата од 1.200 марки, се планира и закон за фискализација, кој ќе воведе централен систем за контрола на финансиските трансакции, насочен кон спречување на даночно затајување и заштита на работниците со пониски приходи.
Инаку и Црна Гора неодамна ја зголеми минималната плата на 600 односно 800 евра, зависно од степенот на образование. Македонија има најниска минимална плата во регионот, од само 22.500 денари. Зголемување ќе има во 2025 година.foto freepik.com/frantic
Можеби ќе ве интересира
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
Колку дозволи издаде Хрватска за македонски работници?
