Џамбаски за името: Сега е време нашите колеги и партнери од Грција да отстапат
Објавено во: Македонија 19 Март, 2018
Бугарскиот европратеник, Ангел Џамбаски вели дека посетата на министерот за надворешни работи на Грција, Никос Коѕијас следната среда во Скопје, значи дека преговорите за името се во завршна фаза.
Тој вели дека и двете страни направиле отстапки од првичните ставови. Џамбаски рече дека граѓаните на Македонија имаат право да ја именуваат својата држава.
Џамбаски рече дека е време Грција да попушти во преговорите за спорот со името.
„Сега е време нашите колеги и партнери од Грција да отстапат и да покажат пријателски однос во решавањето на прашањето за името. Поминаа веќе две децении и мислам дека е доста“ - вели Џамбаски
Хрватската европратеничка, Ружа Томашиќ, рече дека доколку не се постигне договор за името, тогаш ЕУ треба да посредува. Смета дека ЕУ сега треба да седне со двете страни со цел да се најде заедничко решение.
„Мислам дека ЕУ треба директно да се вклучи, бидејќи граѓаните на Македонија веќе долго време се обидуваат да продолжат со својот живот, а ова го попречува тоа. Мислам дека ЕУ треба да се вмеша, да седне и да разговара со двете страни со цел конечно да се реши прашањето за името и Македонија да продолжи да чекори напред-, вели Томашиќ.
За двајцата членови на Европскиот Парламент, решавањето на проблемот со името ќе влијае на деблокирањето на евроинтегративниот процес на Македонија, но и на целиот регион. Коѕијас се очекува да допатува во Македонија на 22 март. Според пишувањата на грчките медиуми, тој ќе го донесе и конечниот предлог за името на грчката страна.
Можеби ќе ве интересира
Ивица Боцевски започна со работа како специјален претставник на Владата
ИНСПЕКТОРИ ГИ ЧЕШЛААТ ДЕТСКА КЛИНИКА И КОЗЛЕ: Се испитуваат сите факти за смртта на 14 месечното бебе
„ЗАИГРА“ ПАЈАКОТ ВО ЦЕНТАР: Дури 148 возила беа кренати заради непрописно паркирање
„ВТОР ТРАГИЧЕН СЛУЧАЈ ЗА ЕДНА НЕДЕЛА“: СДСМ бара анализа за утврдување на одговорноста за бебето кое почина на Детската клиника
И ВО ГОСТИВАР ВОДАТА НЕ Е ЗА ПИЕЊЕ: Тетово се снабдува со намалено количество вода
TAКСИСТИ ШТО МАМАТ, КУЧИЊА СКИТНИЦИ, НЕМАЊЕ ИНФОРМАЦИИ OНЛАЈН ЗА ПРЕВОЗOT: Tуристите велат дека ова ги одвраќа од подолг престој
ЕВЕ ШТО ВЕЛИ ДИМИТРОВ: „Има за што да се преговара со Бугарија“
МИЦКОСКИ НАБРОЈА СО КОИ ЗЕМЈИ МАКЕДОНИЈА ЧЕКАЛА НА РЕД ЗА ПОЧЕТОК НА ПРИСТАПНИТЕ ПРЕГОВОРИ ЗА ВЛЕЗ ВО ЕУ: Станува збор за шест земји зад кои остана Македонија
НОВАТА ВЛАДА ПОВЕЌЕ МУ СЕ ДОПАЃА НА КУРТИ: Еве што кажа косовскиот премиер
