Џонсон Мети за Фактор: Намалувањето на бројот на вработени ќе биде постепено
Објавено во: Економија 15 Јуни, 2020
Имаме флексибилен и разновиден бизнис, постигнавме добар напредок во 2019/20 година и покрај предизвиците што ги поставува пандемијата на вирусот COVID-19, велат од Џонсон Мети за Фактор откако беше објавено дека компанијата на глобално ниво ќе скрати 2.500 работни места. Додаваат дека направиле измени и инвестиции за да се осигураат дека Џонсон Мети е во позиција да ја реализира сопствената стратегија. Постигнатите резултати покажувале дека тоа веќе почнува да се ефектуира.
„Но, светот е неизвесен а ние треба да ги забрзаме нашите стратешки иницијативи и затоа, ги објавивме плановите за овозможување на понатамошна ефикасност на нашиот бизнис. Промените ќе бидат направени во текот на следните три години. За тоа време ќе ја поедноставиме нашата организација и ќе работиме на поинаков начин. За жал, веруваме дека влијанието на овие промени ќе значи помалку работни места во Џонсон Мети. Ќе се консултираме со групи вработени во врска со намалување на околу 2.500 работни места на глобално ниво, што претставува околу 15 отсто од вкупната моментална работна сила, стои во соопштението.
Велат дека очекуваат околу половина од овие намалувања на ниво на групација да се случат во текот на следните 12 месеци и ќе претставуваат микс на намалување на работни места и луѓе што доброволно заминуваат од Џонсон Мети.
„Воедно, внимателно ќе бараме можности за прераспоредување во групацијата за оние колеги што ќе бидат погодени од овие измени. Моментално, сè уште ги развиваме нашите планови и ќе се консултираме за нив, како што се бара, пред да бидат финализирани. Во догледно време ќе следуваат дополнителни информации, велат од Џонсон Мети.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Соработката со „Бехтел ЕНКА“ продолжува со презентации во Прилеп и во Битола за тендерските процеси и за зајакнување на учеството во локалниот синџир на снабдување
КОНЕЧНО И ПОРТАЛИТЕ ВЛЕГУВААТ ВО ЗАКОНОТ, ЌЕ СЕ РЕГУЛИРААТ И АГРЕГАТОРИТЕ - еве што носи новата нацрт верзија
Должник на МЕПСО од Косово пред суспензија од пазарот за електрична енергија
Еве ги најголемите економски патриоти! Кои се најголемите македонски извозници меѓу котираните компании?
ЛЕСНО ДО ГЕРМАНСКИ ПАСОШ: Не треба да се откажете од вашиот пасош, еве како да се пријавите
ДНЕВНИЦА 80 ЕВРА, А РАБОТНИЦИ НЕМА: Страшно недостигаат работници за оваа работа
СО ПОЛНА ПАРЕА СЕ ГРАДИ АВТОПАТОТ, ГОЛЕМА МОБИЛИЗАЦИЈА НА РАБОТНИЦИ: Николоски со добри вести, еве кога ќе е готов автопатот Охрид- Кичево
„НОВА ЕНЕРГЕТСКА КРИЗА ВО ЕВРОПА“: Се намалија испораките на гас, цените рипнаа за 45 проценти
НАЈНИСКО НИВО ЗА ДВЕ ГОДИНИ: Се намали вредноста на еврото во однос на доларот
