Добивај вести на Viber
Холивудскиот актер Џорџ Клуни вчера се ожени за британската адвокатска со либанско потекло Амал Аламудин. Четиридневната церемонија во Венеција се уште трае, но младоженецот веќе треба да испочитува и еден облог.
Клуни, по разводот од актерката Талија Балсам во 1993 година вети дека никогаш повторно нема да се жини, па дури и се обложил со својата колешка Мишел Фајфер дека вечно ќе остане ерген.
Заради загубениот облог, Клуни на Фајфер сега ќе треба да и плати 100.000 долари. Исклучително ценетата британска адвокатка Аламудин, која на 36-години има исклучително успешна кариера, очигледно била доволна причина актерот да признае пораз и да го „одврзе ќесето“.