ЕБОР: Албанија гази стабилно, Србија ја јаде инфлација

Добивај вести на Viber

ФАКТОР ви ги пренесува во детали наодите на Европската банка за обнова и развој на земјите од регионот, при што ЕБОР ја издвојува Албанија како економија која чекори најстабилно, а изразува загриженост за високата инфлација во Србија.

Албанија

2012 +0,6%

2013 +1,3%

„ Продолжува да расте побрзо од другите земји во регионот во 2011 година. Регистрирано е значително забавување на економската активност во првата половина на 2012 година кое главно се должи на слабите перформанси на нејзините клучни пазари ,ЕУ, Грција и Италија. Овие фактори и следната година ќе го ограничуваат растот а јавниот долг , што е блиску до законскиот лимит од 60 проценти од БДП, ќе го ограничи просторот за фискален маневар.“

Босна и Херцеговина 2012 + 0,1% 2013 +0,4% „Економијата на Босна и Херцеговина е релативно стабилна во изминатите неколку години, но домашната потрошувачка остана ограничена а тоа главно се должи на фискалните мерки за штедење, намалување на дознаките и бавен кредитен раст. Индикаторите укажуваат на значително слабеење на економијата оваа година, што исто така влијаеше врз јавните финансии.“ Бугарија 2012 +1,2% 2013 +1,7% „Владата продолжува да се придржуваа до фискална внимателност, со буџет што маргинално е во суфицит во првите осум месеци од годината. Ова се одрази на успешно издавање на еврообврзница во јули 2012 година. Бугарија има значајни фискални и монетарни амортизери за да и помогне на земјата да издржи дополнително шокови, но растот во 2012 година најверојатно ќе биде околу 1 отсто а скромна е прогноза пораст и во 2013 година.“ Србија 2012 -0,7% 2013 + 1,1% „Економијата на Србија покажува неколку слабости во моментов. Економскиот раст во 2011 та година беше околу 2 отсто , но сега се предвидува да биде негативен во 2012 година. Големи ризиците остануваат, главно од изложеност кон еврозоната, а инфлацијата е во пораст повторно и достигна двоцифрена нивоа во септември. Дополнително влијаеа и домашните политики што влеваа несигурност во периодот до и за време на изборите. Според програмата на ММФ , Владата се соочува со голем предизвик за намалување на фискалниот дефицит (во моментов околу 7 отсто од БДП) и соборување на јавниот долг, кој се подигна на ниво од 60 проценти од БДП.“