ЕДЕН ПОВИК МЕНУВА СÈ: Трамп се налути на Амазон, а потоа го смени пристапот: „Безос е добар и љубезен човек“
Објавено во: Економија 30 Април, 2025 07:29
Доналд Трамп, претседателот на Соединетите Американски Држави, коментираше за извештаите дека Амазон наскоро ќе прикажува колку од цената на еден производ доаѓа од царини, веднаш до вкупната цена на производот, потег што би им илустрирал на американските потрошувачи како царините влијаат врз цената на стоките.
Двајца високи функционери на Белата куќа изјавија за Си-Ен-Ен дека лутиот Трамп во вторникот му се јавил на сопственикот на Амазон, Џеф Безос, за да се пожали на планот.
Подоцна истиот ден, Трамп го нарече Безос „многу добар човек“ во разговор со новинарите.
- Беше многу љубезен, брзо го реши проблемот и постапи правилно - кратко коментираше американскиот претседател, објави Би-Би-Си.
BREAKING: Fox News reports Donald Trump called Jeff Bezos this morning to complain about Amazon’s plan to show the cost of his tariffs alongside product prices. Hours later, Amazon said the plan “is not going to happen.”
— Republicans against Trump (@RpsAgainstTrump) April 29, 2025
Pathetic pic.twitter.com/r0Aw7Aeeme
Да потсетиме, портпаролката на Белата куќа, Каролин Ливит, ја критикуваше компанијата Амазон поради плановите на компанијата да ги објави дополнителните трошоци за американската царина и нивното влијание врз конечната цена на нејзините производи.
Таа изјави дека разговарала со Доналд Трамп за споменатите планови, кој рекол дека тоа е „непријателски и политички чин од страна на Амазон“, објави Си-Ен-Ен.
- Зошто Амазон не го направи ова кога администрацијата на Бајден ја зголеми инфлацијата на највисоко ниво во последните 40 години? - рече таа на прес-конференцијата во Белата куќа.
Фото: Принтскрин/Х
Можеби ќе ве интересира
„Нашата цел е да привлечеме компании кои носат знаење, современи технологии и квалитетни работни места“: Димовски од ТИРЗ до менаџментот на Philips
ДЗР: Застарени предмети и неуплатени средства во буџетот на државата, ИТ напади и повеќе неправилности во работењето на Министерството за економија и труд
Хрватска повлекува храна за бебиња: Аптамилот има поголемо присуство на бактерии
ЕБОР: Рекордно ниско ниво на лоши кредити во Централна, Источна и Југоисточна Европа
На бензинските пумпи се појави нов вид гориво: Ќе се испорачуваат со „розови пиштоли“, а ќе може да се користи во сите автомобили
Планирате патување на одмор? Овие аеродроми во Европа ќе штрајкуваат до крајот на годината
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
