Една кривична пријава и многу проблеми со охридските паркиралишта

Добивај вести на Viber

Kривична пријава заработи управителката на компанијата Сузуки,  која до неодамна стопанисуваше со паркинзите во Охрид заработи  за бесправно узурпирање на недвижнини. И покрај тоа што бил раскинат договорот за паркинзи од страна на општината,  концесионерот во центарот на Охрид сеуште наплатувал за паркирање. Од охридската полиција посочуваат дека и покрај известувањето од страна на новиот градоначалник на општина Охрид, дека договорот за закуп на паркиралиштата е раскинат, управителката ангажирала 10 наплатувачи на кои наплатувале паркирање во централното подрачје, а со тоа е направена штета на граѓаните во висина од 11.450 денари. Штетата била направена во текот на вчерашниот ден која до охридската полиција се поднесени дваесетина преставки од граѓани на кои им биле блокирани возилата бидејки немале платено паркирање. Компанијата Сузуки има два договори склучени со општината Охрид, тој за паркирањето во Центарот на Охрид е раскинат во четвртокот, додека за вториот ќе се чека судска разврска. Во меѓувреме граѓаните се збунети, незнаат каде во Охрид паркирањето се наплатува, а каде можат бесплатно да се остават возилата.