29 Март, 2020
0.0274

Владата му го смени името во „преспанско“ и на странскиот инвеститор „Гентерм“

Објавено во: Економија 26 Февруари, 2020

Една од најголемите странски инвестиции од времето на владеење на поранешниот премиер Никола Груевски, прилепски „Гентерм“, го промени својот официјален назив и во истиот го додаде новото уставно име на земјата. Според евиденцијата на „Фактор“, ова е единствен странски инвеститор до сега кој менува името според Преспанскиот договор.

Во владината одлука за определување на периодот на закуп на градежното земјиште во Технолошко индустриската развојна зона Прилеп и за висината на закупнината „Друштвото за производство, трговија и услуги Гентерм Македонија Дооел увоз-изоз Прилеп“ се менува со зборовите „Друштвото за производство, трговија и услуги Гентерм Северна Македонија Дооел увоз-извоз Прилеп“.

Ваквата одлука се должи според договорот за закуп и за закупната цена на градежното земјиште во технолошко-индустриската развојна зона во Прилеп.

Директорката на Централниот регистар, Марија Бошковска - Јанковски вели дека законски не постојат задолженија едно трговско друштво да го промени името, но дека тоа зависи и од тоа каква е неговата поврзаност со државните органи.

- Уставното име мора да се промени само кај државните институции, но не и трговските друштва, иако има и кај нив такви кои на доброволна основа го прават тоа. Една фирма кое го користи старото уставно име мора да направи промени единствено доколку има ненаков вид на договор со државата или истата има дел од сопственоста, вели Бошковска - Јанковски.

Странската гринфилд инвестиција Гентерм“ во 2018 остварила приход од 56,2 милиони евра и има добивка од 2,5 милиони евра. Оваа компанија се занимава со снабдување на големите автомобилски корпорации со електрична и електронска опрема за вградување во возилата. Гентерм е најголемата компанија во Прилеп, пред Прилепска пиварница, Витаминка и Мермерниот комбинат.

Американската корпорација од страна на најголемите производители во автомобилска индустрија е призната како најдобар добавувач на клима системи за греење и ладење  на седишта и управувачи, електроника и кабли за автомобилски брендови како што се „Форд” , „Џенерал Моторс”, „Тојота”, „Лексус” и „Киа”. 

Откако во декември, 2012 година беше поставен камен-темелник на ТИРЗ Прилеп, веќе во декември, 2014 година „Гентерм” ја објави својата одлука за реализација на инвестицијата во оваа зона, а во јули 2016 компанијата официјално започна со работа.

Бројката на вработени се движи помеѓу 1.500 и 2.000 работници. Груевски своевремено рече дека инвестицијата е резултат на заеднички сили од повеќе лица и долго работење на Владата со оваа компанија, по долги убедувања. 

Александар Кузмановски

Можеби ќе ве интересира

Азески: Коридорите се трасирани, мерките елаборирани, компаниите фрустрирани

Азески: Коридорите се трасирани, мерките елаборирани, компаниите фрустрирани

Малите трговци пред Влада бараат бруто-плати и замрзнување на кириите

Малите трговци пред Влада бараат бруто-плати и замрзнување на кириите

Ангеловска: Ќе се крати на опрема, лиценци, софтвери...

Ангеловска: Ќе се крати на опрема, лиценци, софтвери...

Компаниите за организирање и поддршка на настани,ТВ и филмска продукција бараат поддршка од Владата

Компаниите за организирање и поддршка на настани,ТВ и филмска продукција бараат поддршка од Владата

Владата подготвува нов пакет економски мерки

Владата подготвува нов пакет економски мерки

Македонски телеком: Нема 5G мрежа во употреба

Македонски телеком: Нема 5G мрежа во употреба

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МУКАЕТОВ: ГРАЃАНИТЕ ДА БИДАТ СПОКОЈНИ - лекови и дезинфициенси ќе има, државата што побргу да побара пари

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

МИКРО И МАЛИ ПРЕТПРИЈАТИЈА: Бараме платите, здравственото и пензиско осигурување да бидат на товар на државата

ОГРОМНИ ШТЕТИ: Коронавирусот економски ќе загрози најмалку 25 милиони луѓе

ОГРОМНИ ШТЕТИ: Коронавирусот економски ќе загрози најмалку 25 милиони луѓе