Eдна политичка партија се лути затоа што не беше поканета на лидерската
Објавено во: Македонија 28 Јануари, 2018
Од БЕСА велат дека средбата помеѓу премиерот, претседателот на државата и претседателите на политичките партии ДУИ и ВМРО-ДПМНЕ е уште еден доказ за игнорирање на претставниците на мнозинството на Албанците во Македонија.
Сметаат дека требало да присуствуваат на еден состанок што е многу важен за иднината на државата.
„Имајќи предвид фактот дека ние сме биле целосно посветени и конструктивни во процесот на преговорите кои се одвиваат меѓу Македонија и Грција за спорот со името на државата, се чувствуваме игнорирани од фактот што мнозинството на преставниците Албанци во Македонија кои во овој случај не се ДУИ, се оставени надвор од процесот за информирање во врска со преговорите за спорот со името“- велат од Беса.
Тие велат дека го разбираат фактот дека на секоја македонска политичка партија било тоа да е СДСМ или ВМРО ДПМНЕ поедноставно ѝ е да ги повикува само ДУИ во вакви процеси бидејќи, како што велат од Беса, тие добро ја знаат улогата на статист .
Од БЕСА велат дека државниот врв треба да го смени своето селективно делување за вакви важни процеси за иднината на државата и да ги почитува гласовите на Албанците кои во овој случај се мнозинство во опозиција.