Едношалтерски систем: За лиценци и дозволи само во Министерство!
Објавено во: Економија 26 Декември, 2012
Со цел превозниците од 1 јануари идната година на поедноставен начин да земаат дозволи и лиценци од Министерството за транспорт и врски, денеска беше потпишан Меморандумот за соработка со Централниот регистар. Со овој Меморандум се овозможува Министерството по електронски пат да добива тековна состојба и скратен финансов извештај од Централниот регистар, документи за кои досега превозниците мораа одат во просториите на Централниот регистар.
„Од 1 април наредната година ќе ги добиваме и билансот на успех, потврдата за неосудуваност и потврда дека не е изречена забрана за вршење на дејност кои се неопходни за добивање лиценци и дозволи. За овие документи сега превозниците треба да одат во Централниот регистар, да ги подигнат оттаму, а потоа да ги донесат во Министерството“, рече министерот за транспорт и врски Миле Јанакиески.
Претходно беа потпишани Меморандуми за соработка и со Министерството за труд и социјална политика, Агенцијата за вработување и Фондот за пензиско и инвалидско осигурување, со кои треба да се скратат бирократските процедури и да се овозможи добивање документи само со поднесување барање во Министерството за транспорт и врски, кое потоа по електронски пат ќе ги набави сите неопходни документи од иституциите за добивање на бараниот документ.
Според директорот на Централниот регистар Ванчо Костадиновски, со Меморандумот се воспоставува едношалтерски систем во делот на издавање документи и потврди потребни за во Министерството за транспорт и врски.
„Тоа значи дека поднесителите на барања пред Министерството за транспорт и врски нема да се појавуваат физички во просториите на Централниот регистар, туку Министерството по претходно воспоставен специјален сервис по електронски пат ќе ги добива на увид неопходните потврди и документи. Тоа индиректно ќе значи намалување на трошоците на подносителите на барањата кои се прават заради шетање од шалтер на шалтер иако цената за добивање на документите ќе остане иста како и досега“, изјави Костадиновски.
Можеби ќе ве интересира
„ДИЗЕЛАШИТЕ“ ИТНО НА БЕНЗИНСКА, ОД УТРЕ ЌЕ ПЛАЌААТ ПОВЕЌЕ ЗА ДВА ДЕНАРИ - нови цени на горивата од Регулаторна
ЛИДЛ Е „НАЈДОБАР ВРАБОТУВАЧ“: „Вработените се во центарот на нашиот бизнис“ во Србија
ГЕРМАНСКАТА ЕКОНОМИЈА ВО РЕЦЕСИЈА - економските перформанси на земјата опаѓаат втора година по ред
М-Р АРИЈАНА КОСКАРОВА ВО „БИЗНИС-КЛУБ“: „ЗА ПРЕТПРИЕМНИШТВО ПОТРЕБНИ СЕ ИСКУСТВО ЗА РАЗВОЈ НА БИЗНИСОТ, ЕДУКАЦИЈА И ИНВЕСТИЦИЈА“
ЌЕ СЕ БИЕ ТЕШКА БИТКА ЗА НАДЗОРНИОТ ОДБОР НА „МАКЕДОНИЈАТУРИСТ“ - ова се имињата предложени од М.Г. Фешн и „Промедика“, а свои луѓе бара и „Скопски пазар“
„ГОРДОСТА“ НА ГЕРМАНИЈА НА ПРОДАЖБА: Кинезите сакаат да ги купат фабриките на Фолксваген кои компанијата ги затвора
Скопска топилница по 13 години повторно почнува со работа? Ќар ќе имаат само локални и регионални бизнис играчи
АРХИТЕКТОНСКО ЧУДО КОЕ ГО ИМПРЕСИОНИРА СВЕТОТ ВЕЌЕ 24 ГОДИНИ: Мост кој се претвора во подводен тунел и излегува во друга земја
ПРОДАДЕН ДЕЛ ОД ИМОТОТ НА ПОРАНЕШНО „ФЕНИ“: Авансно ќе се делат парите од стечајната маса
