ЕФЕКТ НА “ЛАДЕЊЕ“ врз земјите на централна Европа!

Добивај вести на Viber

Слабостите на Русија, санкциите против неа и конфликтот во Украина, паралелно со слабиот економски раст во еврозоната имаат ефект на "ладење" врз регионот на Централна и Источна Европа. Аналитичарите од Oxford Economics предупредуваат дека во третиот квартал во споредба со една година претходно трговијата помеѓу и надвор земјите од ЦИЕ падот, се намалува помалку во поранешните советски републики. Растот на годишна основа во периодот од јули до септември е само 6%. Но, и покрај "бавното ладење", како што го опишуваат експертите на Oxford Economics, некои од најголемите економии во регионот успеваат да се задржат на површината, бидејќи монетарната политика останува приспособлива, а притоките на странски директни инвестиции и туристи се подобруваат. Производителите на намирници во ЦИЕ кризата ја чувствуваат најмногу во Украина, откако руските власти воведоа одмазднички санкции кон запад, се забранува увозот на овошје и зеленчук од Европската унија. Најголемиот производител на јаболка во светот Полска настрада сериозно. Извозот на јаболка во 2013 година изнесува 438 милиони евра, 56% од нив се наменети за Русија, покажуваат податоците на полското министерство за земјоделство. Сепак рејтинг агенцијата Moody's смета дека полската економија покажува "одржливост во време на стрес" и очекува закрепнувањето во регионот да продолжи. Бруто домашниот производ на Полска се зголеми за 2% во 2012 година, но се намали со 1,6% во 2013 година, покажуваат податоците на Евростат. Банките кои работат во Унгарија, исто така, имаат тешка година. Во 2010 година Владата на Виктор Орбан го воведе највисокиот данок за банките во Европа во одговор на слабите регулативи и високите количини на кредити во странска валута, доделени пред финансиската криза. Од овој момент па наваму доверителите претрпеа голем број казни. Во јули Владата на Унгарија усвои закон кој ги принудува банките да платат надоместок за "непријателските" услови на овие кредити во странска валута. Хартиите од вредност на австриската Raiffeisen Bank, која е една од најголемите во регионот, поевтинуваат за 35% од почетокот на годината. Банката изгуби 202 милиони евра во третиот квартал поради паричната казна во износ од 205 милиони евра, наметната од унгарските власти. Fitch пак ја потврди неинвестиционата проценка на унгарските необезбедени обврзници на ниво од ББ +, но ја определува перспективата како "стабилна", иако земјата се бори со висок јавен и надворешен долг. Во соседна Чешка економијата го забрзува темпото, бидејќи инвестициите ја стимулираат. Во третиот квартал БДП се зголемува за 0,4% на квартална и со 2,4% на годишна основа, откриваат конечните чешки статистички податоци. Тоа се над прелиминарните проценки за раст од 0,3% на квартална и 2,3% на годишна основа. Трошоците на туристите во Прага се витален дел од приходите на трговците, откако бројот на странските трансакции е со повеќе од 10 пати поголем од оној на локалните жители. Тоа е многу повеќе во споредба со кој и да е друг град во Централна Европа ", заклучуваат од трговската фирма, покажуваат податоците од Cushman and Wakefield. К.К.