ЕИБ и даде на Словенија заем од 500 милиони евра
Објавено во: Балкан 21 Декември, 2012
Словенија денеска потпиша договор со Европската инвестициска банка за заем од 500 милиони евра наменети за кофинансирање европски структурни и кохезиски проекти.
- Заемот од Банката кој е најголем досега доделен на Словенија, ќе помогне во јакнење на конкурентноста на Словенија и ќе го зголеми нејзиниот капацитет на апсорпција на европски фондови, изјави Антон Роп, потпретседател на ЕИБ и поранешен словенечки министер по потпишувањето на договорот.
Од заемот ќе се кофинансираат проекти во секторот на транспортот, истражување и заштита на животната средина, се додава во соопштението.