Економистите предвидуваат подобра година

Добивај вести на Viber

Во текот на минатите неколку години, кои ги одбележа криза, финансиски пакети спас и мерки на штедење, економистите конечно најавуваат дека стигнуваат подобри времиња. Најсилната светска економија, САД, веќе ги објави позитивните резултати на економскиот раст, а истовремено Кина, која според својот календар влегува во годината на Коњот, се надева на позитивни промени. Русија има големи надежи за Зимските олимписки игри во Сочи, во февруари. Волстрит е финансиски центар на САД, веројатно и на глобалната економија - една ситна грешка на тоа место може да донесе економска катастрофа на другиот крај од светот. Сепак, берзанските трговци на Волстрит се оптимистични, додека експертите веруваат дека економското опоравување на САД ќе биде стабилен и во 2014 година. Невработеноста во САД се намалува, па така во ноември се создадени повеќе од 200.000 нови работни места, а стапката на невработеност падна на седум посто. Важен фактор е и опоравувањето на пазарот на недвижности. „Видовме бавен, но стабилен раст во текот на 2013 година и мислам дека тоа е многу добро з анашата економија. Сметам дека истото темпо ќе се задржи и во 2014  година. Сите економски показатели се поправија: невработеноста, недвижностите, потрошувачката... Мислам дека овие показатели ќе растат и наредните 12 месеци и дека тоа ќе и помогне на економијата да ја преброди евентуалната нестабилност во иднина“, прогнозира берзанскиот трговец Џонатан Корпин. Година на коњот Оваа година беше значајна по многу нешта и за Кина, во која забавувањето на еконосмкиот раст е конечно запрено, а дојде и до проомена во државниот врв. Промената на политиката доведе до тоа, на Кинезите се помалку да се гледа како на евтина работна сила, а се повеќе како на лидери во секторите како информатичката технологија. Позитивни промени се очекуваат и во рускиот град Сочи, каде во февруари ќе се одржат ЗОИ. Моменталните трошоци за организација стигнаа до 51 милијарди долари, што е четири пати повеќе од оние кои Русите ги предвидоа во 2007 година кога им беше доделена организацијата. Најскапи игри досега Поради тоа игрите во Сочи ќе бидат најскапите во историјата, бидејќи надминаа над 40 милијарди долари, колку што потроши Кина за Олимписките игри во Пекинг пред пет години. Според мислењето на Олег Чикирис, уредник на еден руски спортски весник, Олимписките игри за Русија не се само спортски настан, туку на коцка е ставена и анционалната гордост. „Тоа не е само важен спортски настан, туку и политички и не смееме себеси да си дозволиме било каков проблем. Се мора д абиде беспрекорно организирано. Претседателот Владимир Путин игрите ги сфати како сопствен проект, со помош на кој, е одлучен Русија да ја претстави како моќна и перспективна земја. Затоа ниту малку не штедеше“, смета Чикирис.