ЕКСКЛУЗИВНО: Владата ќе дава картички со пари за невработени, студенти и средношколци, нови кредити за фирмите
Објавено во: Економија 14 Мај, 2020 14:11
Владата го подготвува третиот сет мерки за помош на граѓаните и на стопанството, а Фактор ексклузивно открива некои детали од предлогот. Сите мерки најверојатно ќе бидат усвоени во понеделник или во вторник. Вкупната вредност на мерките од третиот сет мерки ќе изнесува 355 милиони евра, а според пресметките помошта од сите три пакети е 600 милиони евра. Според нашите информации планирана е поддршка за невработените лица, односно 120.000 лица кои исполнуваат специфични услови ќе добијат платежни картички а за сите нив Владата ќе потроши 18 милиони евра. Во оваа група влегуваат граѓани кои се невработени и бараат работа, а месечниот приход по други основи не надминува 15.000 денари. Картичките ќе бидат брендирани и ќе можат да се користат во маркети, угостителски објекти, фризерници. Со ова Владата планира да ја стимулира домашната потрошувача.
Планирано е да се даваат и ваучери за туризам од 100 евра плус домашна картичка од 50 евра. Овие ваучери исто така ќе ги користат 120.000 луѓе и Владата ќе ја чини 18 милиони евра. Корисници ќе можат да бидат сите вработени што примаат плата под 16.000 денари.
Според информациите, во третиот пакет мерки ќе има ваучери за студенти и средношколци од 100 евра плус домашна платежна картичка од 50 евра. Ќе ги користат 100.000 студенти и редношколци а Владата ќе ја чини 12 милиони евра. Парите треба да се искористат за партиципации и за обуки.
Владата планира да го зголеми повратот на ДДВ, па во игра се опции во истиот ден од пазарувањето да се врати целиот износ на платениот ДДВ, но механизмите се уште не се утврдени.
За стопанството предвидени се нови бескаматни кредити со 30 отсто грант компонента за микро и мали прептријатија. Оваа помош ќе вреди 31 милион евра, но 30 милиони евра се од ЕУ.
За индустријата предвидена е помош од 25 милиони евра, а во овој дел ќе се помагаат компании кои ќе изгубат пазари.
Има поддршка и на земјоделството, а 50.000 земјоделци ќе добијат платежни картички со субвенции за набавка на гориво за механизација.
Александра Томиќ
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ПО ИНЦИДЕНТОТ СО ТУРЦИ ВО ПОДГОРИЦА: Во ноември, секој ден се затвораше по една турска компанија
Цената на кафето расте, но луѓето не се откажуваат од својот омилен напиток
Како да се одреди вистинската плата за новoто работно место?
Германија тоне во најлошата криза од 1945 година, индустријата се соочува со проблеми
Цени во најсеверната продавница во светот, поевтино е од САД
Хрвати се иселиле во Полска, тврдат дека земјата е драстично подобра од Хрватска
Обидот за увоз на берачи од Бангладеш и Пакистан не успеа во соседството
БДП СЕ ЗГОЛЕМИ ЗА 3.8 ОТСТО: Кои сектори се со најголем раст?
