Електронските здравствени картички повторно ќе удрат по џебот на граѓаните
Објавено во: Економија 07 Јуни, 2016
Нови осум милиони евра ќе легнат во буџетот.
Граѓаните ќе треба од свој џеб да платат нови 250 денари за обновување на електронските здравствени картички од 2011 година, со што буџетот ќе се наполни за нови 8 милиони евра на нивна сметка, иако претходно истите тие картички од владата на ВМРО-ДПМНЕ беа најавени за бесплатни, а и веќе еднаш се платени, пренесе Фокус.
На секоја електронска здравствена картичка пишува дека трае пет години, а веднаш по истекувањето на тие пет години треба да се обнови и граѓаните на своја сметка треба да платат уште 250 денари за таа намена.
„Фокус“ дојде до мејлот испратен од Фондот за здравство до сите матични лекари од кои се бара да ги известат своите пациенти дека треба да ги обноват електронските здравствени картички од 2011 година и за нив повторно да платат по 250 денари.