Енергетската ефикасност предизвик за општина Карпош во 2013-та

Добивај вести на Viber

Енергетската ефисканост останува еден од главните предизвици на општина Карпош и во текот на 2013. Користењето на енергијата од сонцето како еден од енергетските извори, овозможува за повеќе од 80% да ја намали потрошувачката на електрична енергија. Во реализацијата на проектот за заменување на електричните бојлери со соларни вакуум инјекторски системи за топла вода, приоритет во Општина Карпош  се сите училишта и градинки на нејзината  територија. Според програмата за 2013 година, Општина Карпош гради 43 соларни системи во училиштата и градинките. Овие, заедно  со веќе инсталираните 23 системи, целосно ќе ги заменат сите електрични бојлери во објектите кои се во надлежност на Општината. Новите системи во двете училишта ООУ „Војдан Чернодрински“ и ООУ „ВладоТасевски“ ќе овозможат користење на санитарна топла вода во текот на 365 дена во годината, кои ќе се користат во туш кабините во спортските сали на овие две основни училишта, за потребите на учениците во редовната настава, но и за спортските екипи кои ги користат салите за тренинзи, соопштуваат од општината.