Енергетски пасоши за зградите, европски стандарди за гасификацијата

Добивај вести на Viber

Гасификација на земјава и воведување минимум стандарди за енергетска ефикасност се пропишани со новите измени на законот за енергетика. Целта на измените покрај заштедата не енергија е и отварање нови работни места посочи денеска министерот за економија Ваљон Сарачини. Новите правила во делот на енергетската ефикасност пропишуваат воведување енергетски пасоши за новите објекти во кои ќе биде наведена енергетската ефикасност на зградата и вкупните потреби од енергија за греење, ладење, вентилација, електрично осветлување. Оваа методологија ќе ја користат инвеститорите и лицата кои ќе бидат овластени да вршат енергетски контроли што ќе придонесе за отварање нови работни места. „Ќе биде објавен оглас во Министерството за економија, на кој ќе се пријават сите заинтерсирани лица кои во иднина сакаат да бидат лиценцирани  контроли. Ќе го поминат процесот, ќе се стекнат со лиценца, ќе се вработат во компанија која ќе го почне процесот на енергетски контроли, појасни министерот. Во првата фаза енергетските контроли ќе направат контрола во зградите на државната управа, единиците на локална самоуправа и сите други јавни згради“истакна Министерот. За Сарачини, другиот важен сегмент е развој на гасификацијата. „Новиот закон ги поставува најзначајните предуслови за почнување на процесот на гасификација на едно пошироко ниво и нуди системски пристап на овој процес. Ви опфаќа сите технички услови и е целосно хармонизиран со европските стандарди, рече Сарачини. Според министерот,  со предвидените стандарди за користење полиетиленски цевки значително ќе се намалат трошоците и ќе се зголеми квалитетот, а преку предвидената едукација и обука на кадри, кои во индина ќе оперираат со гасоводните системи, гасификациската мрежа ќе се шири на стручен и безбеден начин.   -