ЕПИДЕМИОЛОГ ОД СЛОВЕНИЈА: Ризикот од тромб е многу поголем кај оние кои прележале ковид, отколку кај вакцинираните
Објавено во: Балкан 19 Април, 2021
Опасноста од згрутчување на крвта кај луѓето кои прележале ковид-19 е далеку поголема отколку кај вакцинираните против оваа болест, рече водечкиот словенечки епидемиолог Матеја Логар, кој го предводи стручниот совет на словенечката влада, пренесува Индекс.хр.
Додека следењето на вакцините покажа дека ризикот од развој на згрутчување на крвта што може да предизвика венска тромбоза или белодробна емболија со вакцината АстраЗенека е многу мал, или еден случај на милион вакцинирани, во Словенија сериозни тромбоемболиски компликации се јавуваат кај приближно една четвртина од пациентите третирани за ковид 19 во единиците за интензивна нега на словенечките болници, рече Логар.
Таа на прес-конференција одговори на прашање во врска со недовербата создадена во јавноста во врска со вакцинацијата со вакцината на британско-шведската компанија, поради што дел од купените вакцини се уште остануваат неискористени.
„Ова значи дека околу 40 пациенти со ковид, од оние 153 кои се моментално во словенечките болници, можат да сметаат на тој ризик“, објасни Логар пред новинарите.
Таа смета дека од самиот почеток се направени голем број недостатоци во комуникацијата со јавноста во промовирањето на вакцината АстраЗенека, иако е прогласена за безбедна и ефикасна од Европската агенција за лекови.
Според официјалните податоци на Министерството за здравство, во периодот од 2015 до 2020 година, помеѓу 900 и илјада пациенти биле хоспитализирани годишно во Словенија поради белодробна емболија, со позитивни резултати од третманот со антикоагулантни лекови и без поголеми компликации.
Што се однесува до вакцината „Џонсон и Џонсон“, чии две пратки од 7.200 дози веќе пристигнаа во Словенија, но не се користат по одлуката за привремено запирање на нивната употреба во САД и Европската унија, Логар рече дека се очекува САД тоа да го регулираат оваа недела, кога ќер се одлучува повторно. Таа рече дека се надева дека ќе добие одобрение од регулаторите на САД, а потоа и на Европа.
Според последните податоци, досега се вакцинирани 17,7 проценти од населението во Словенија. Повеќе од половина од популацијата на возраст од 60 до 70 години се очекува да бидат вакцинирани до првите денови од оваа недела, откако повеќе од половина од населението над 70 години веќе е вакцинирано.
Извор и фото: Индекс.хр