ЕПИДЕМИОЛОГОТ ДАНИЛОВСКИ НЕ ПРИФАЌА ДА ЧЛЕНУВА ВО КОМИСИЈАТА ЗА ЗАРАЗНИ БОЛЕСТИ:Комисијата нема ингеренции да носи одлуки, јас останувам автономен
Објавено во: Македонија 18 Јануари, 2022
Еминетниот
епидемиолог и професор на Медицинскиот факултет, д-р Драган Даниловски, по
написите во повеќе медиуми дека е ЛДП предлага тој и микробиологот, проф. д-р Никола
Пановски да влезат во Комисијата за заразни болести во подолг пост на Фјесбук
образложува зошто не сака да биде член во ова тело.
Вели дека сака да остане автономен, односно дека не сака да биде дел од Комисијата за заразни болести која нема ингеренции и претставува само советодавно тело на минстерот за здравство кој може, а и не мора да ги прифаќа препораките кои ги носта членовите на Комисијата за заразни болести.
- Не прифаќам било чиј предлог за членување во Комисијата за заразни болести при Министерството за здравство. Овој мој став се темели на свесноста дека Комисијата за заразни болести никогаш не може автономно да функционира, колку и да се трудат членовите така да биде! Зошто? Затоа што таа претставува само советодавно тело на Министерот за здравство. Таа нема ингеренции да носи извршни одлуки, туку само заклучоци, кои му ги предлага на Министерот. Тој може, ама не мора, да ги прифати. Крајната одлука е само негова и би требало да биде извршна.
Арно ама, ниту неговите одлуки во тек на пандемијава не се извршни. Треба да поминат на Кризен штаб при Владата – евентуално да се модифицираат (влијание на политика!) - и дури потоа формално да се прифатат од Владата.
Во таков амбиент, за мене е неприфатливо да ја жртвувам својата автономија.
- Останувам со автономен, независен статус како досега – член на универзитетската заедница – и продолжувам да функционирам волонтерски во врска со сѐ што значи стручна помош секому што ќе ми се обрати: Комисијата за заразни болести, Министерството за здравство – но, пред сѐ, граѓаните.