Добивај вести на Viber
Епл ја претстави пред јавноста помалата верзија на својот „iPad“, а цените почнуваат од 329 долари за верзијата со 16 GB, јавува СНБС. Технолошкиот гигант исто така ја претстави и четвртата генерација на класичниот „iPad“, чии цени почнуваат од 499 долари.
Четвртата генерација на „iPad“ има нов процесор А6Х, WiFi конекцијата ќе биде двојно побрза, а работната способност - двојно поголема. Батеријата, како и досега, ќе издржува работа од 10 часа.
Фокусот на презентацијата, сепак беше на долгоочекуваниот „iPad Mini“, кој им ја обезбедува на корисниците истата функционалност како и поголемата верзија. Има со екран од 7,9 инчи (класичниот „iPad“ е 9,7-инчен), дебелина од 7,2 милиметри и тежина од 300 грама. Батеријата на мини таблетот исто така издржува 10 часа.
За некои корисници, може да биде разочарувачка резолуцијата на екранот које е како на првиот „iPad“, бидејки му недостига добриот контраст од последните верзии.
Епл ќе почне да прима нарачки за мини таблетот од петок, а се очекува испораките да почнат во рок од две недели.
Компанијата ги претстави уште новата генерација на својот десктоп „iMac“, како и „MacBook“ - нејзиниот најдобро продаван лаптоп. Новиот „MacBook Pro“ е тенок помалку од 1 инч (2,54 cm) и за 20% полесен и тежи само 1,6 килограми.Новиот „iMac“ пак има за 45% потенок екран.