Ердоган се навикна на Иванов, па мораше да се запознава со Пендаровски
Објавено во: Македонија 09 Јули, 2019
Претседателот на Македонија, Стево Пендаровски, ја оствари својата прва средба со шефот на државата Турција, Реџеп Тајип Ердоган, на Самитот на Процесот за соработка во Југоисточна Европа во Сараево.
Турските и босанските медиуми објавија дека средбата во хотелот "Термаг", каде што се одржува Самитот, била затворена за печатот, односно не било предвидено да се даваат изјави.
Ердоган и Пендаровски втор ден учествуваат на Самитот на ПСЈЕ, а целта на иницијативата е преку јакнење на добрососедските односи и мирот во регионот да се овозможи побрзо придвижување кон ЕУ и НАТО.
Инаку Ердоган до сега остваруваше повеќе средби со претходниот претседател на Македонија, Ѓорѓе Иванов, кој беше повикуван и на неговите инаугурации и настани кои беа под негово покровителство.