ЕРУПЦИЈА НА ВУЛКАН: Голем број лица со изгореници, но има и исчезнати!

Добивај вести на Viber

По ерупцијата на вулканот Марапи на индонезискиот остров Суматра, спасувачите пронајдоа тела на 11 жртви, изјави портпаролот на спасувачките служби, а потрагата по 12-те исчезнати е прекината од безбедносни причини.

Во моментот на ерупцијата во областа имало 75 планинари, од кои 49 биле евакуирани во понеделникот, а многумина сега се лекуваат поради изгореници, изјави портпаролката на потрагата и спасувањето Џоди Хариван.

Заедно со телата на 11 планинари, спасувачите пронајдоа тројца преживеани, додаде Харијаван, а потрагата по 12-те исчезнати беше прекината поради последователната мала ерупција.

In the wake of the Marapi volcano eruption in West Sumatra, Indonesia yesterday, 11 climbers were tragically found dead on Monday, with the search for 12 missing people temporarily suspended due to safety concerns.

Among the 75 climbers present during Sunday's eruption, three… pic.twitter.com/CGPNTZ4vlU

— Volcaholic (@volcaholic1) December 4, 2023

Во пресрет на активирањето на вулканот, властите го подигнаа нивото на тревога и воспоставија зона за забранет пристап на три километри од кратерот.

Марапи еруптираше во неделата, испраќајќи три километри пепел на небото. Небото е покриено со огромен облак од вулканска пепел, кој прекрил автомобили и патишта, покажува видеото.

Вулканот е меѓу најактивните на Суматра, а најмногу жртви зеде во април 1979 година, кога во ерупцијата загинаа 60 луѓе. Избувна и претходно оваа година, забележува Ројтерс.

Фото: Принтскрин/Твитер