Добивај вести на Viber
Европската централна банка ја задржа главната стапка за рефинансирање на историски минимум од 0,75 отсто, во време кога го проценува влијанието на антикризните мерки кои неодамна ги покрена. Пазарните играчи не ни очекуваа дека централната банка ќе ги намали трошоците за задолжување во еврозоната овој месец, бидејќи таквиот потег веројатно не би имал позначајни ефекти на намалената регионална економија во овој момент.
Лондон - Банката на Англија ја задржа постоечката каматна стапка на рекордно ниско ниво од 0,5 отсто, а обемот на програмата на квантитативното лабавење, кое се спроведува со цел да се поттикне стопанскиот раст по пат на купување на државни обврзници, останува на износ од 375 милијарди фунти (598 милијарди долари).