ЕЦБ почнува да купува корпоративни обврзници од 8 јуни

Добивај вести на Viber

Европската централна банка почна да откупува корпоративни обврзници од 8 јуни. Од тој датум централните банкари ќе прибегнат кон оваа мерка и ќе започнат да откупуваат и деноминирани небанкарски корпоративни обврзници во евра со инвестиционен рејтинг, стана јасно по објавувањето на новата одлука за каматните стапки.

Инаку ЕЦБ не ги промени ниту каматните стапки, ниту големата програма за стимулации, пишува во соопштението на банката.

Промени во монетарната политика на банката не се очекуваат, бидејќи некои од мерките, објавени во март, допрва ќе влезат во сила. Станува збор за новата програма за насочени долгорочни операции рефинансирање за банките (Targeted longer-term refinancing operations, или TLTRO II), која почнува на 22 јуни.

Специјализираното списание WBPonline коментира дека од април до денес макроекономската рамка во еврозоната не е променета којзнае колку, поради што не можеше да се очекуваат промени во програмата за олеснувања.

Стенограмот од последната седница на ЕЦБ во април го покажа критичниот тон на претседателот на банката Марио Драги и неговиот тим кон недостатокот или доцнењето на структурни реформи во земјите од еврозоната.

По самото заседание, тој посочи дека, со мали исклучоци, во последните 4 години банката била единствената институција кој воведува политики за стимулирање на растот.

На денешната прес-конференција на Марио Драги, која започнува во 15:30 часот инвеститорите ќе ја следат внимателно реториката. Ова заседание е последното пред референдумот за еврочленството на Велика Британија на 23 јуни, поради што претседателот на институцијата може да издаде предупредување за последиците од евентуално излегување на Велика Британија од Европската унија.

Голем број аналитичари очекуваат на пресконференцијата Драги да прогласи покачени проекции за инфлацијата кои сепак би се должеле на технички фактори, најмногу на поскапувањето на нафтата.