ЕУ: Грција нема повеќе време за коцкање
Објавено во: Балкан, Економија 11 Јуни, 2015
Европската унија го предупредила грчкиот премиер Алексис Ципрас, дека е време да престане да си игра со иднината на земјата и да донесе одлука што ќе им овозможи на Грција да избегне банкрот.
Претседателот на Европскиот совет Доналд Туск ја предупреди Левичарската грчка влада со невиден отворен говор по 4 месеци преговори. „Нема повеќе време за коцкање. Доаѓа денот, во кој некој ќе каже дека играта е завршена“, изјавил Туск на прес-конференција.
„Очигледно ни требаат решенија, не преговори“, додал тој непосредно пред Ципрас да се сретне со шефот на Европската комисија Жан-Клод Јункер.
Во средата преговорите меѓу Ципрас, Оланд и Меркел не доведоа до резултат. Грција ќе банкротира до крајот на јуни, кога ќе треба да се направи исплатата од 1,6 милијарди евра кон ММФ, ако не се постигне договор, пренесуваат светските агенции.