ЕВЕ КАКО МОЖЕ ДА ГИ НАМАЛИТЕ СМЕТКИТЕ ЗА СТРУЈА: Ќе трошите и до шест пати помалку енергија!

Добивај вести на Viber

Енергетските експерти од соседството со детален и конкретен водич за рационално користење и заштеда на енергијата. Апелираат да се променат навиките, и укажуваат дека промените нема да ни чинат ништо. Советите се насочени пред се кон правилен избор при купување опрема за домот, и притоа укажуваат да се внимава големината да одговара на бројот на членовите на домаќинството, фреквенцијата на користење и класата на енергетска ефикасност.

- Уредите од класа А трошат и до 45 отсто помалку струја од старите - посочуваат енергетичарите.

Исто така, бидејќи две третини од енергијата на домаќинствата се користат за греење, наведува дека добро изолирана куќа со квалитетни прозорци троши и до шест пати помалку енергија.

Еден од советите кои привлекоа внимание е изборот на печки за греење, при што енергетичарите велат дека новите трошат до 90 отсто гориво, додека старите околу 50 отсто, објавува „Курир.рс“.

Се препорачува и поставување на термостатски вентили на радијаторите, собни термостати и регулација на бојлерот, што може да ја намали потрошувачката и до една петтина.

Исто така, се препорачува да се вградат изолациони ленти и да не се покрива радијаторот со мебел. Напоменуваат дека секој степен на пониска температура во станот значи заштеда на шест отсто од енергијата.

Кога се зборува за болјерите, препораките се да тој да биде со соодветна големина и да го поставите што е можно поблиску до точката на потрошувачка. За да заштедите пари, бојлерот треба да се одржува на температура меѓу 50 и 60 степени, а да се вклучува ноќе кога струјата е четири пати поевтина.

Тие наведуваат и дека машините за миење садови трошат значително помалку топла вода отколку при перење на рака. Препорачуваат малите апарати за домаќинство да работат што е можно помалку во режим на подготвеност, бидејќи на овој начин трошат до една петтина од енергијата.