ЕВН Електродистрибуција ќе инсталира смарт броила, но во наредните десетина години

Добивај вести на Viber

Со стапувањето на сила на Законот за енергетика во наредните дест години ЕВН Електродистрибуција, како оператор на дистрибутивната енергетска мрежа, ќе треба да инсталира насекаде нови паметни броила кои месечно и прецизно ќе ја отчитуваат потрошувачката на електрична енергија кај домаќинствата и малите потрошувачи.

Директорот на ЕВН Електродистрибуција ,Сашо Салтировски, вели дека за тоа ќе бидат потребно време, бидејќи инвестицијата е голема,аресурсите во смисла на кадар и други капацитети се ограничени за тоа да се изведе за побрзо време.

Според Салтировски, добро е тоа што во последно време цените за купување на овие паметни струјомери е намалена на 50-60 евра, а треба да се купат околу 900.000 такви во наредните гдоини.

- Овие паметни броила кои отчитуваат далечински се комплицирана технологија, така што тие не можат да се заменат за само една година. Прво ќе треба да се направи студија па да се прејде на расправа за избор на моделот на инсталирање, а дури птооа да се распише тендер за нивно купување, рече Салтировски.

Првиот човек на Електродистрибуција рече дека за околу седум години ќе се инсталираат околу 80 отсто од овие струјомери, а за десетина години ќе биде стоотстотна реализацијата. Поради постепеното инсталирање, како што вели Салтировски, трошоците од набавките нема одеднаш да се почувствуваат по џебот на граѓаните.

Во меѓувреме најавите се дека од јулските сметки за струја домаќинствата ќе имаат увид колку од потрошеното им е прочитано, а колку од око пресметано. Оваа новина се воведува откако зимава ескалираа проблемите со паушалните фактури. Ова во моментов е една од опциите со која граѓаните би требало да добијат појасна слика како се мери струјата која ја потрошиле во месецот,  додека да се инсталираат паметни броила за кои ќе биде потребно 10 години. До тогаш Електродистрибуција ќе продолжи да ги чита, но упатство ќе добијат и граѓаните.

А.К.