Евробарометар:ЕУ треба да им помага на државите во развој

Добивај вести на Viber

Осумдесет и пет проценти од жителите на ЕУ сметаат дека Европа треба да продолжи да ги помага државите во развој и покрај економската криза. Таа констатација денеска ја искажа европскиот комесар за развој Андрис Пиебалгс за време на Европските денови на развојот, соопшти ЕК. Новата анкета на Евробарометар покажува дека 61 отсто од Европејците сакаат зголемување на помошта, со која би се справиле со сиромаштијата. Во исто време 55% сметаат дека државите со бразорастечки економии не треба да добиваат повеќе помош. 61% од анкетираните сметаат дека помошта треба да се фокусира врз нестабилните држави кои се погодени од конфликт или природни катастрофи. 44% се подготвени лично да дадат повеќе средства за продукти кои поддржуваат развој. „Охрабрен сум од фактот дека за повеќето Европејци, солидарноста продолжува да биде длабоко вкоренета вреност и покрај тоа што самите се во тешка економска состојба“изјави Пиебалгс. Резултатите од анкетата на Евробарометар„Солидарност без граници-Европејците и развојот“, беа претставени за време на Европските денови на развој во Брисел.