Еврогрупата без решение, но со план за реформи во Грција

Добивај вести на Viber

Средбата на министрите за финансии на еврогрупата заврши без решение за Грција, што треба да биде донесено на самитот на еврозоната.

Ова го објави претседателот на Еврогрупата и министер за финансии на Холандија Јерун Деиселблум.

„Подготвен е текст со предлог за средбата, останаа неколку нерешени прашања на кои треба да се изјаснат лидерите на земјите од еврозоната“, изјавил тој.

„Идентификациониот план за помош на Грција, е многу амбициозен проект, кој треба да биде потврден на самитот“, истакнал министерот за финансии на Финска Александар Стуб.

Според него, планот за реформи вклучува прво закони кои Грција треба да ги прифати до 14 јули.

На второ место се условите и прелиминарните активности кои Грција треба да ги преземе.

На трето место се усогласени четири насоки за реформи - на пазарот на трудот, пензискиот систем, фискалната политика и данок на додадена вредност.

„Сите тие треба да бидат усвоени од Владата и Парламентот на Грција“, додал Стуб.

Министерот за финансии на Луксембург посочил за возврат дека на масата на преговорите на самитот на еврозоната остануваат и двете варијанти за решение за Грција - како задржување на земјата во еврозоната и обезбедување на помош, така и излез од еврозоната и обврските.

Од проектот на Еврогрупата е укинат предлогот на Германија за привремено излегување на Грција од еврозоната за период од 5 години, пренесе „Франс прес“.

Ако Грција и земјите од еврозоната постигнат договор, тоа ќе им овозможи Атина и нејзините меѓународни кредитори да започнат преговори за трет план за финансиска помош во износ од над 74 милијарди евра за период од три години.

Пред почетокот на средбата на лидерите на земјите од еврозоната, и грчкиот премиер Алексис Ципрас, изјавиле дека се подготвени на „искрен комромис“, за да се постигне договор со доверителите уште денес.

За возврат германската канцеларка Ангела беше категорична дека нема да има договор по секоја цена. Таа додаде дека претстојат тешки преговори, а Атина веќе ја има изгубено довербата.