Еврогрупата одобри 9,2 милијарди евра помош, Грција ги чека парите
Објавено во: Балкан 22 Јануари, 2013
Доцна синоќа еврогрупата и ја одобри на Грција помошта од 9,2 милијарди евра, откако претходно беше утврдено дека земјата ги исполнила условите за јануари и оти министрите за финансии на еврозоната ќе препорачаат доделување на финансиската помош.
Во изјавата на министрите по синоќешниот состанок се вели дека е донесена реформата на данокот на приход, прилагодени се цените на електричната енергија, како и цената на обновливите извори на енергија, а се поздравува и заложбата на грчката Влада од пролет да го поедностави законот за данокот на доход.
Од 9,2 милијарди евра што ќе ги добие Атина, седум милијарди евра ќе бидат потрошени за трошоците за рекапитализација.