Европска комисија:се зголемува јавниот долг на Македонија!

Добивај вести на Viber

И покрај генералните одредници, како умерен или мал напредок како и што се очекуваше Европската комисија излезе со нешто поостро оценки во однос на јавниот долг на земјава. Се констатира дека тој значително пораснал и дека генерално водењето на фискалната политика и понатаму се влошува.. Проблем претставува  и планирањето на среден рок. Брисел смета дека е намалена транспарентноста во државните трошоци. Исто така на креаторите на економската политика им се забележува дека проектирале приходи на нереална основа, мислејќи на првичните владини проекции кои засноваа раст од 4, 5 %.  Растот на јавниот долг според ЕК е главна причина и за зголемениот надворешен долг кој веќе надмина 60% од БДП а можно е тој се уште да расте бидејќи веќе се планирани нови кредити за да се покрие дупката во Буџетот. „Продолжи краткорочната ориентација на трошење проследена со мали ефекти врз зголемување на растот. Значително порасна долгот на јавниот сектор“ – пишува во извештајот на ЕК.