ФАБРИКАТА ЗА ЧОКОЛАДИ „ЕВРОПА“ ИМА НОВА ДИРЕКТОРКА - еве кој седнува на кормилото на компанијата
Објавено во: Економија 15 Јуни, 2024
Фабриката за чоколади, бомбони и фавли, „Европа“ од Скопје, има нова директорка.
Промената е заведена во Централниот регистар пред неколку дена.
Станува збор за Марина Симоноски, која ќе биде в.д. извршен директор на компанијата, како и в.д. извршен член на Одборот на директори.
Таа ќе има неограничени овластувања во внатрешниот и надворешниот промет на компанијата.
Додека, пак, на нејзино место досега беше Марика Караџова, и таа заминува од оваа функција поради одење во пензија.
Како што веќе пишувавме, токму директорката Марика Караџова замина во пензија на 15 мај и затоа Собранието ја констатира нејзината оставка, а на нејзино место сер избра нов раководен кадар.
Профитот кој во првиот квартал од годинава го остварила „Европа“ изнесува 237 илјади евра. Во однос на истиот период лани тоа е огромен раст за близу 134 проценти.
Во првиот квартал се остварени вкупни бруто приходи на износ од 244.461.397 денари и се зголемени за 17,3 отсто во однос на бруто приходите од 2023 година за истиот период.
Вкупните оперативни приходи за 01.01-31.03.2024 година се зголемени за 12,1 отсто во однос на истите во 2023 година. Останатите приходи се намалени за 31 отсто, а кај финансиските приходи зголемувањето е 11,6 отсто во однос на 2023 година.
Вкупните расходи се зголемени за 13,3 отсто во односна минатата година. Оперативните расходи во периодот 01.01-31.03.2024 година се зголемени за 13,5 отсто, а финансиските расходи се намалени за 48,8 отсто во однос на 2023 година.
Н.Н.Ф.Можеби ќе ве интересира
ЕКОНОМСКИ БЕНЕФИТ: Колку ќе заработи Германија од ЕУРО 2024?
ПЛАТИТЕ И ПЕНЗИИТЕ ВО ЦРНА ГОРА ПОРАСНАЛЕ: Зошто инвестициите се намалени?
СЛОВЕНИЈА ВО ВРЕМЕТО НА НЕЗАВИСНОСТА И ДЕНЕС: Нивниот БДП сега е шестпати поголем
„МИСЛИШ ЛИ ДЕКА СУМ ЛУД“ - прашање поради кое вреди да се чита за Илон Маск
АКО Е ЗА НАША УТЕХА, ЛЕБОТ ПОСКАПЕ И ВО СРБИЈА - образложението е исто: Повисока цена на суровината
Мицкоски поднесе законски измени за да не поскапи струјата во првиот и вториот блок
МИНИМУМ ИЛЈАДА ЕВРА ЗА ПРЕЖИВУВАЊЕ: Рипна износот на синдикалната кошница за само еден месец, еве колкава е таа за јуни
ЕВРОПСКА КОМИСИЈА ВОВЕДУВА ЦАРИНИ ЗА ЈАЈЦА И ОВЕС ОД УКРАИНА - веќе е достигнат лимитот
МТЕЛ ПРЕГОВАРА ЗА КУПУВАЊЕ НА ЛАЈКАМОБАЈЛ - фирмата ќерка на српски Телеком сака да го шири деловното работење на македонскиот пазар
