27 Мај, 2024
0.0251

ФАКТОР ЕКСКЛУЗИВНО: „ЛИДЛ“ ЈА КУПИ ЛОКАЦИЈАТА НА „БРИКОЛАЖ“ - скопјани го добиваат првиот маркет од овој познат синџир

Објавено во: Економија 10 Март, 2023

Добивај вести на Viber

Германскиот голем трговски синџир „Лидл“ ја купил локацијата на „Бриколаж“ од компанијата „Скопски пазар“, дознава Фактор ексклузивно.

Таму се очекува да никне првиот маркет на Лидл во земјава, кој нашите граѓани со нетрпение го очекуваат, а во меѓувреме масовно пазарат од маркетите на Лидл во Грција, но и во соседна Србија, се разбира кога ќе имаат прилика да ги посетат тие држави.

Набргу се очекува да се случи и официјалната трансакција, а засега нема информации која е постигнатата сума.

Имено, со оглед на фактот дека „Скопски пазар“ е компанија која е котирана на Македонската берза, таа информација би била ценовно чувствителна информација, и би била објавена на платформата СЕИ нет на Берзата. Тогаш и ќе се дознаат повеќе детали околу трансакцијата.

Како што веќе има пишувано Фактор, во февруари 2021 година Лидл ја регистрираше својата компанија во Македонија, а ќе биде управувана од бугарската филијала. Тогаш објавивме дека оваа, една од најголемите компании во малопродажбата во светот, во земјава ја регистрираше подружницата Лидл Северна Македонија Дооел со седиште во скопски Центар и со паричен влог од 500.000 евра, според податоците од Централен регистар.

Сопственик е германската матична компанија ВЕ-Интернационал Цвајте ГмбХ од Некарзулм, но субјектот специјализиран за трговија на мало претежно со храна, пијалаци и тутун ќе биде управуван од Софија, од бизнисмените Милена Емилова Драгијска, Бисер Борисов Инчовски и Љубомир Манолов Хрсев, објави тогаш Фактор.

Според описот на нивните надлежности и ограничувања,Лидл“ планира да вложи над 10 милиони евра во продавница и да купи земјиште поголемо од 10.000 квадратни метри.

Лидл има 100 продавници во Бугарија на 49 локации и вработува 3.000 работници, а има експанзионистички план за оваа година за отварање на уште пет маркети и вработување на уште 250 луѓе. Нето-профитот за 2019 во Бугарија бил 41,25 милиони евра.

„Лидл“ во соседна Србија е присутен од 2018 година и до сега има вкупно 41 објект. Во Хрватска работи од 2006 година. Трговскиот синџир оперира во 30-тина земји во Европа, со околу 11.000 продавници, а присутен е и во САД. „Лидл“ секој ден опслужува по околу 10 милиони купувачи.

Во ноември минатата година објавивме дека премиерот Димитар Ковачевски и вицепремиерот за економски прашања Фатмир Битиќи оствариле работна средба со претставници на Лидл, како од националниот тим, така и со претставници на меѓународниот управен одбор, информираше тогаш владината прес-служба.

Тема на средбата биле планираните активности во делот на инвестициите и развојот на оваа компанија во Македонија и поддршката од Владата и институциите за успешна реализација на овој проект.

На средбата премиерот Ковачевски изразил задоволство што „Лидл“ интензивно работи на подготовките за отпочнување ефективна работа во нашата земја и веќе има вработено 80 лица, а оваа бројка, како што нагласил, дополнително ќе расте, посочувајќи дека нашата земја има поволни услови за инвестиции. Ова, како што рекол, е пример што треба да го следат и други странски компании.

Вицепремиерот Битиќи, кој го координира процесот како едношалтерски систем за инвестиции, изразил задоволство од напредокот на инвестицијата и ја истакнал нејзината важност за развојот на локалните добавувачи, кои се надеваат дека во Лидќе имаат доверлив партнер.

Томаш Кузма, член на Одборот на компанијата одговорен за Западен Балкан, „Лидл Интернешнл“, објаснил дека како странски инвеститор „Лидл“ високо ја цени соработката и поддршката што компанијата ја добива од Владата на Македонија. Рубријан Хаџиев, главен извршен директор на „Лидл Македонија“, истакнал дека премиерот Ковачевски и вицепремиерот Фатмир Битиќи му обезбедиле на „Лидл“ работни групи во неколку министерства и единствена точка за контакт за да ја олеснат подготовката за можен влез на македонскиот пазар. Сметаат дека оваа соработка ќе продолжи и во сите други фази од проектот.

Исто така, своевремено објавивме и дека Лидл веќе има идентификувано потенцијална локација за својот логистички центар, на земјиште кое е околу 200.000 метри квадртни и се наоѓа во Општина Куманово. Инвестицијата само во логистичкиот центар е околу 80 милиони евра и вклучува намера да се обезбедат повеќе од 150 вработувања. Во оваа фаза на подготовка, „Лидл“ веќе истражува различни начини за поддршка на локалните производители. Компанијата организираше извоз на македонски земјоделски производи во мрежата „Лидл“ во соседните земји. И ова е само еден пример од целокупното партнерство на „Лидл“ со добавувачите и производителите кое е насочено кон докажување на секојдневната поддршка и соработка како доверлив партнер во бизнисот.

Во април лани, пак, од Лидл имаа средба со градоначалникот на Кисела Вода, Орце Ѓорѓиевски. Тој тогаш оствари средба со претставниците на “Лидл” од претставништвата во Бугарија и Македонија. Заинтересирани за достапни локации каде би можеле да се отворат маркети и регионален дистрибутивен центар, потенцијалните инвеститори, од градоначалникот ги добиле побараните информации околу можностите и потенцијалите на општина Кисела Вода, пишуваа тогаш медиумите. .

„Денес имавме прилично конструктивна средба со претставниците на “Лидл” од претставништвата во Бугарија и Македонија, кои пројавија интерес за инвестирање во општина Кисела Вода. Подискутиравме околу достапните локации на кои би можеле да се отворат маркети, но и регонален дистрибутивен центар на германскиот гигант кој е присутен секаде во нашето соседство, освен во Македонија. На овој работен состанок им ги презентиравме погодностите кои општина Кисела Вода ги нуди, како средина која има добра местоположба и развој кој одговара на потребите на оваа компанија. Задоволен сум што потенцијалните инвеститори ја препознале новата енергија со која функционира оваа локална самоуправа и ги согледале актуелните перспективи, инвестициските можности и новите проекти кои ги спроведуваме во различни области со цел унапредување на општината“, информира тогаш Ѓорѓиевски. 

Некои информации говорат дека се купени парцели и во Кавадарци и Битола.

Н.Н.Ф.

Можеби ќе ве интересира

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

ПОВЕЌЕ ПАРИ ЗА РОМАНЦИТЕ: Државата ги зголеми најниските плати за 10 проценти

МИНИМАЛНА КОШНИЧКА: За една година трошоците за живот се повисоки за 200 евра

МИНИМАЛНА КОШНИЧКА: За една година трошоците за живот се повисоки за 200 евра

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ВОЗАЧИ ПОЧЕКАЈТЕ ДО ПОЛНОЌ - цената на бензините се намалува, еве по колку ќе се продаваат горивата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЗАТВОРЕНИ АМЕРИКАНСКИТЕ И БРИТАНСКИТЕ БЕРЗИ: Скокна цената на нафтата, златото и пченицата

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ЕДНА ОД НАЈПОПУЛАРНИТЕ АВИОКОМПАНИИ ГО НАМАЛУВА БРОЈОТ НА ЛЕТОВИ: Полетувањата од Белград ќе бидат променети на дури шест линии

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ФАКТОР АНАЛИЗА: Фирма која увезува јаглен за РЕК Битола со најголема добивка помеѓу новорегистрираните компании

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

ТЕРМОЦЕНТРАЛИТЕ „ДИШАТ НА ШКРГИ“ – недостига квалитетен јаглен за да работат, но се ближи и нивниот крај

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

НЕ УСПЕА ОБИДОТ НА ПОМАЛИТЕ АКЦИОНЕРИ ЗА ПОГОЛЕМА ДИВИДЕНДА - „Гранит“ ќе дели по 42 денари за акција, еве кои се причините

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“

ПОСЛЕ ДЕВЕТ ГОДИНИ ГО МЕНУВААТ ДИРЕКТОРОТ - Бенедикт Шилдбред застанува на чело на „Теленор“