ФАКТОР НА ДЕНОТ: Британскиот сој е откриен во повеќе градови, денес меѓу жртвите има и двајца млади луѓе

Добивај вести на Viber

БРИТАНСКИОТ СОЈ Е ОТКРИЕН ВО ПОВЕЌЕ МАКЕДОНСКИ ГРАДОВИ

Кај 45 лица во Македонија е утврден британскиот сој на коронавирусот. 

Министерството за здравство информира дека во лабораторијата на ИЦГИБ-МАНУ во периодот од 1 јануари до 7 февруари, 2021 е утврдено присуство на СарсКов2 вирусот од Велика Британија кај 45 примероци на брисеви од заразени лица.

„Првиот пациент со овој тип на вирус во оваа лабораторија е дијагностициран на 13.01.2021 во Охрид и оттогаш неговата застапеност прогресивно се зголемува. Во моментот оваа варијанта на вирусот е најфреквентна во Охрид и Прилеп, а е присустен и кај одредени пациенти во други градови: Тетово, Струга, Куманово, Штип, Велес. Овие резултати се базираат на скрининг за присуство на 2 мутации кои го карактеризираат овој сој на најголем дел од новозаразените пациенти дијагностицирани во оваа лабораторија (>400), како и со секвенционирање на целите геноми на вирусите детектирани кај >50 од овие пациенти. Анализите на МАНУ не утврдија присуство на британскиот сој на вирусот кај вработените на Клиниката за нефрологија каде за краток временски период беа заразени повеќе здравствени работници“, информираат од Министерството за здравство. 

ДЕНЕС МЕЃУ ПОЧИНАТИТЕ ОД КОРОНАВИРУС ИМА И ДВАЈЦА МЛАДИ ЛУЃЕ

Министерството за здравство информира, согласно податоците од Институтот за јавно здравје во последните 24 часа се направени 726 тестирања, а регистрирани се 75 нови случаи на ковид-19 во:

Скопје – 45, Кавадарци – 11, Прилеп – 8, Струга – 3, Неготино, Тетово и Велес по 2, Куманово и Кочани по 1.

Регистрирани се 1440 оздравени пациенти од:

Скопје – 798, Кавадарци  - 76, Струмица – 71, Тетово – 67, Куманово – 56, Гостивар – 47, Велес -34,  Прилеп -32, Неготино – 27, Битола – 26, Делчево – 25, Охрид и Гевгелија по 22, Кичево и Ресен по 18, Кочани – 15, Штип – 14, Струга -12, Свети Николе -10, Богданци и Македонска Каменица по 9, Дебар и Радовиш по 6, Берово -5, Демир Капија -4, Крива Паланка , Виница ,Валандово и Дојран по 2, Демир Хисар, Македонски Брод и Крушево по 1. 

СКАНДАЛ ВО БИТОЛА

Суспендирани се двајца гинеколози, откако еден од нив си ја повикал сопругата која е невработен гинеколог, странски државјанин, да учествува во породување со царски рез, пишува порталот „Независен“ повикувајќи се на извори од одделението за Гинекологија.

БРАТОТ НА УБИЕНИОТ РИБАР ВЕЛИ ДЕКА НЕМААТ ЗЕМЈИШТЕ КАЈ СМИЛКОВСКО

Немаме земјиште во близина на Смилковско езеро. Јас ги имам документите од моите родители за целиот имот што го поседуваат, такво земјиште нема, ниту јас паметам дека некогаш сме имале такво земјиште. 

Ова во вечерашната емисија Во Центар, во трогателно интервју, го зборува Цветан Стевковски, братот на рибарот Борче Стевковски, кој беше една од петте жртви на случајот Монструм или петкратното убиство кај Смилковското езеро.

Во интервјуто се разговара за новите сознанија, и колку се тие точни, поврзани со мотивите и нарачателите на оваа грозоморно петкратно убиство кое се случи пред девет години.

ОТВОРЕНА ИСТРАЖНА ПОСТАПКА ЗА ЕУРОСТАНДАРД БАНКА

Надлежен јавен обвинител од Основното јавно обвинителство за гонење на организиран криминал и корупција донесе Наредба за спроведување истражна постапка против четири лица за кои постои основано сомнение дека сториле кривично дело Предизвикување стечај на банка по член 181 ст.1 од Законот за банки и продолжено кривично дело – Перење пари и други приноси од казниво дело по член 273 ст. 6 во врска со член 45 од Кривичниот законик.

Во соопштението од Обвинителството нема иницијали на четирите лица против кои е наредена икстражна постапка.

КОГА ЌЕ СТИГНАТ КИНЕСКИТЕ ВАКЦИНИ ВО МАКЕДОНИЈА?

Дали ќе бидат дистрибуирани вакцините за Ковид-19 од Кина како што најавија надлежните следната недела ќе видиме, но извесно е дека надлежното министерство денес ќе ја потпише набавката за бројка од 200 000.

Министерот Венко Филипче на прес-конференцијата викендов, изнесе подетално објаснување за каква вакцина станува збор.

-Вакцината е добиена на технологија на ослабнување (инактивирање) на целиот вирус, постапка која се користи со децении за добивање на класични вирусни вакцини. Овој тип вакцини има оптимален однос помеѓу безбедноста и ефикасноста, токму поради тоа може да се дава на сите граѓани, без ограничување по било кој основ. Се чуваат на стандарден режим од 2 до 8 степени и тоа од аспект на логистика и дистрибуција, значително ја олеснува нивната примена. Дополнително, вакцините ги добиваме во формулација на претходно наполнет шприц, што ја олеснува и самата апликација на вакцината - изјави министерот.

ЧИТАЈТЕ УШТЕ

Пад на извозот во автомобилската индустрија од 14 проценти е регистриран на годишно ниво во Македонија. Дополнително проблемите со недостигот на микропроцесори од декември лани па наваму веќе резултира со намалување на нарачките во секторот за првиот квартал.

Владата преку закон ќе ја штити земјава од ризици кои може да ги донесе опрема што ќе ја набавуваат електронските комуникациски мрежи, односно телекомуникациските оператори во земјава, а особено оние кои се однесуваат на национална безбедност. Тоа ќе важи за добавувачите и производителите на ваква опрема, пред се оние што се под контрола на Влада на друга држава.

Уникатна и ефективна деловна стратегија на менаџментот на УНИБанка. Во „корона година“ зголемени нето приходи од камати и провизии. Зголемени останати приходи од дејноста. Во годината на големите ризици кои ги носи пандемијата УНИБанка остана доследна на своите корпоративни деловни партнери и на клиентите – физички лица. 

Вакциналниот процес против Ковид-19 во земјава е тотално потфрлање од страна на здравствените власти, оценува доц. д-р. Виктор Камнар од Клиниката за ортопедски болести во денешното интервју за Фактор. 

Владата на неколку пати исплаќала плати за 140 вработени во Исламската верска заедница како државна помош за надминување на кризата во ковид-периодот. Исламската верска заедница е влезена во списокот меѓу стотиците претпријатија кои добиле помош од државата за исплата на вработените. 

Стефан Дечев, бугарски историчар и професор за Фактор изјави дека во догледно време во Бугарија нема да има промена на позицијата кон Македонија. Вели дека според распоредот на сили кој се очекува во идниот бугарски Парламент, промени нема да има во односот кон нашата земја.