ФАКТОР НА ДЕНОТ: Бројот на заразени скокна над 900, по 22 на сила е забраната за движење

Добивај вести на Viber

БРОЈКИТЕ НА ЗАРАЗЕНИ СО КОРОНАВИРУСОТ РАСТАТ

Министерството за здравство информира, согласно податоците од Институтот за јавно здравје:

Во последните 24 часа се направени 3.707 тестирања, а регистрирани се 913 нови случаи на ковид-19 во:

Скопје – 440, Прилеп – 64, Кавадарци – 50, Куманово – 45, Тетово – 35, Гевгелија – 33, Неготино – 31, Гостивар – 29, Охрид – 26, Велес и Битола – по 24, Струмица – 21, Крушево – 11, Кочани и Крива Паланка – по 10, Ресен – 7, Струга и Свети Николе – по 6, Кичево и Демир Капија – по 5, Штип, Радовиш, Богданци и Демир Хисар – по 4, Делчево, Берово и Валандово – по 3, Дојран – 2, Пробиштип, Виница, Македонски Брод и Пехчево – по 1.

Регистрирани се 351 оздравени пациенти од:

Скопје – 173, Охрид – 37, Прилеп – 28, Кавадарци – 16, Велес и Струмица – по 12, Куманово – 11, Неготино – 9, Тетово и Гевгелија – по 8, Струга – 7, Кочани – 5, Штип и Битола – по 4, Крива Паланка и Берово – по 3, Виница, Богданци, Кратово и Демир Капија – по 2, Гостивар, Делчево и Валандово – по 1.

СТАРТУВА ПОЛИЦИСКИОТ ЧАС

За неполни 4 часа стартува полицискиот час во земјава, со цел да се спречи ширењето на коронавирусот. 

Од 22 часот до 5 часот наутро граѓаните ќе може да ги напуштат своите домови само со посебни дозволи. Министерот за економски прашања Фатмир Битиќи  вели не беше лесно да се донесе одлуката за полициски час, но таа се воведува за да не дојде до построги мерки. 

ЗАЕВ ОБЈАСНИ КАКО СЕ НАРАЧАНИ КИНЕСКИТЕ ВАКЦИНИ

Премиерот Зоран Заев потврди дека со министерот за здравство Венко Филипче преку посредници сакале да ги набават 200-те илјади кинески вакцини на Синофарм па дека поради тоа им бил вратен авансот. Целта, според премиерот, била да се најде начин како побргу да се стигне до вакцините.

- Во овој период правиме напори по какви било канали како што очекуваат нашите граѓани за час поскоро да ги имаат вакцините. После две недели, не можевме да добиеме контакт преку кинеската амбасада со Синофарм и дадовме нарачки преку приватни компании, кои што Министерството за надворешни работи не ги потврди и затоа авансот беше повлечен. Сега очекуваме нарачките да пристигнат преку МНР на Кина, односно преку кинеската амбасада, рече Заев денеска.

ДКСК ОТВОРИ ПОСТАПКА ЗА СОФТВЕРОТ НА РАШКОВСКИ

Билјана Ивановска, претседателка на Државната комисија за спречување на корупцијата, потврди дека таа институција веќе отворила предмет за набавка на софтверот од страна на поранешниот генерален секретар на Владата, Драги Рашковски.

„По изнесените информации, на нашиот денешен Колегиум отворивме предмет, сметаме дека има доволно елементи за истражување на причините за набавка на тој софтвер и зошто тој уште не е во функција. Значи, по допрен глас од медиуми отворивме предмет“, нагласи Ивановска.

ЧИТАЈТЕ УШТЕ

„Охридска банка“ лани го  удвои вложувањето во хартии од вредност што укажува дека имала слична деловна политика со другите големи банки во услови на корона криза.

Матичните лекари се тие што треба да ги контактираат повозрасните граѓани, односно оние над 70 години, и да ги прашаат дали сакаат да се вакцинираат.

Влатко Сулев од Националната асоцијација за дојдовен туризам советува граѓаните пред да изберат дестинација, да истражат каква е состојбата со коронавирусот во одредена земја.

Во година на пандемија, карантини и рестрикции, македонските банки топ не ги бие. Нивната профитабилност во минатата година била поголема од кога било и достигнала 118 милиони евра.